Tơdrông Pơđơk 15:28 - Sơ̆p Hlabơar Nơ̆r 'Bok Kei-Dei

²⁸ Jơhngơ̆m bơngai tơpăt băt tơchĕng tơl liơ trŏ; Mă-lei đei nơ̆r lu bơngai kơnê̆ tơlĕch nơ̆r kơnê̆ kư̆ kă.

Tơdrông Pơđơk 15:28 ပူးပေါင်းရင်းမြစ်များ

Horiso 59:7

To 'bơ̆r lu sư lĕch nơ̆r blei hiap. Hơkŭng lu sư thoi đao. Yua kơ lu sư khan: “Kơbĭ bu kơtơ̆ng.”

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Tơdrông Pơđơk 10:32

Nơ̆r 'bơ̆r bơngai tơpăt băt tơdrong trŏ 'lơ̆ng; Mă-lei đei nơ̆r 'bơ̆r lu bơngai kơnê̆ lăp băt pơma hơlĕnh đĕch.

Tơdrông Pơđơk 13:16

Bơngai hơgei đei pơm kiơ̆ đon hlôh wao; Gah lu bơngai kơhlôh tơ'bôh tơdrong kơtul sư.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 16:23

Jơhngơ̆m bơngai gơh hơgei đei bơtho kơ 'bơ̆r sư, Păng pơthim 'bơ̆r nơ̆r pơma đe lui.

Tơdrông Pơđơk 29:11

Bơngai kơtul kơhlôh tơ'bôh tơdrong blĕk sư; Mă-lei bơngai hơgei pơkơ̆ng ĕnh tơdrong sư hil.

Tơdrông Pơđơk 29:20

Ih hăm 'bôh bơngai hăt pơma? Bơngai kơhlôh kơwao ră mă-lei đei đe hơmĕng hloh kơ sư.

Bôk Bơthô 5:2

'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Bôk Bơthô 5:6

'Nĕ ăn kơ 'bơ̆r ih pơm kơ akâu ih yoch na athei năm khan kơ 'bok soi, inh pơkă 'bơm glăi boih. Liơ ih pơm kơ Kră Yang 'Bok Kei-Dei yua kơ đơ̆ng nơ̆r ih pơkă, na mah Kră Yang pơrăm lê̆ đĭ tơdrong đêl ti ih pơm!

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.