Tơdrông Pơđơk 15:27 - Sơ̆p Hlabơar Nơ̆r 'Bok Kei-Dei

²⁷ Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Tơdrông Pơđơk 15:27 ပူးပေါင်းရင်းမြစ်များ

I Pot 2:40

Simei iung hao aseh năm tơ pơlei Gat, truh tơ hnam Akis chă đĭch đam sư. Na chă 'bôh bơih sư chông ba 'bar 'nu đĭch đam sư 'noh brŏk.

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

Horiso 15:5

Sư ăn kơ đe iŏk mưng jên mă-lei huay kơ chă lơi, Ưh kơ wă iŏk sa pơgâm, wă pơrăm lu bơngai tơpăt. Bơngai bu mă pơm thoi noh ưh kơ hli tơtơ̆.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 23:8

Ih 'nĕ kơ iŏk sa pơgâm mŭk tơmam đe, yua kơ iŏk sa pơgâm pơm bơbôl kơ măt bơngai hlôh wao păng bơ̆ đŏng tơdrong bơngai tơpăt.

Tơdrông Pơđơk 1:19

Noh boih trong lu bơngai ham kơ pơm kơnê̆ wă chă sa lơi; Tơdrong plah tơgar gô hiong tơdrong arih lu bơngai bu đei iŏk tơmam noh.

Tơdrông Pơđơk 11:19

Bơngai bu đei jơhngơ̆m arih sa 'lơ̆ng tơpăt gô đei arih; Mă-lei gah lu bơngai kư̆ kă chă tơdrong kơnê̆ gô lôch.

Tơdrông Pơđơk 11:29

Bơngai bu pơrŭng hnam dơnŏ sư gô pŭ kial 'biao ưh kơ đei kiơ. Lu bơngai kơhlôh kơwao gô jing đĭch kơ bơngai gơh hơgei đei hlôh wao.

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.

Tơdrông Pơđơk 20:21

Mŭk tơmam mă bơ̆n jah đei blŭng-a, ưh kơ đei yua hiôk đunh ôh.

Tơdrông Pơđơk 23:4

'Nĕ pơgleh ih kơdih kơlih wă kơ mơdrŏng. Ăn kơ ih đei đon hơgei 'nei hloh kơ tơdrong noh.

Tơdrông Pơđơk 28:16

Yŏng pơgơ̆r kơhlôh ngăl pơjuă pơđep. Mă-lei dah đei bu areh kơ sa lơi lơ gô arih sot.

Tơdrông Pơđơk 28:25

Bơngai bu đei jơhngơ̆m ham chă sơlam pơdrŭt đe tơhil băl. Mă-lei bơngai bu băt gơnang kơ Kră Yang gô phĭ jơnap.

Tơdrông Pơđơk 29:4

Đơ̆ng tơdrong tơpăt pơtao băt wei dêh char sư kơjăp; Mă-lei bơngai sa pơgâm pơgô̆ gô pơrăm char sư.

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

Jôsuê 6:18

Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.