Tơdrông Pơđơk 15:10 - Sơ̆p Hlabơar Nơ̆r 'Bok Kei-Dei

¹⁰ Phak kơtang tơpă bơngai bu kuă kơ kiơ̆ trong tơpăt; Bơngai areh kơ tơdrong teh bơtho gô lôch.

Tơdrông Pơđơk 15:10 ပူးပေါင်းရင်းမြစ်များ

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Jop 34:27

Yua kơ lu sư weh achăng lê̆ Kră Yang, Ưh kơ wă lăng ôh trong gơlong Kră Yang.

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Tơdrông Pơđơk 1:25

Yua kơ lu iĕm sơngah boih đĭ-đăng dôm nơ̆r Inh bơtho khan, Ưh kơ chu iŏk tơdrong inh chrih hơmet;

Tơdrông Pơđơk 1:30

Ưh kơ wă chu tơdrong inh bơtho khan, Pơhơi kơ tơdrong Inh chrih;

Tơdrông Pơđơk 10:17

Bu mơ̆ng pơhrăm iŏk nơ̆r bơtho oei lăm trong tơdrong arih; Mă-lei bơngai bu sơngah kơ tơdrong chrih bơtho gô hiong.

Tơdrông Pơđơk 12:1

Bơngai bu 'maih chă đe teh bơtho noh thoi wă 'maih đei đon gơh hơgei. Bơngai bu areh kơ đe teh bơtho bơngai noh kơtul kơwao.

Tơdrông Pơđơk 13:1

Kon gơh hơgei đei đon mơ̆ng kiơ̆ nơ̆r 'bă bơtho khan. Mă-lei bơngai kơ chu lu sư ưh kơ wă mơ̆ng đe chrih bơtho.

Tơdrông Pơđơk 15:11

Hơlŭng jrŭ dêh atâu lăm âu Kră Yang 'bôh đĭ; Pơma kiơ lăm jơhngơ̆m kon bơngai!

Tơdrông Pơđơk 15:9

Kră Yang areh dêh trong lu bơngai kơnê̆; Mă-lei sư 'mêm mơnat kơ bơngai bu kiơ̆ trong tơpăt.

Tơdrông Pơđơk 23:35

Ih khan: Đe teh inh, mă-lei huay kơ jĭ. Đe dong inh, mă-lei inh ưh kơ băt, Layơ inh hơdơ̆r, inh gô chă wă et dơ̆ng.

Tơdrông Pơđơk 5:12

Ih khan, Inh areh dêh kơ tơdrong bơtho hơmet. Păng jơhngơ̆m inh sơngah kơ tơdrong chrih.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Êsêkiên 33:9

Tơdah ih đei khă lu bơngai pơm yoch wă kơ sư achăng lê̆ trong sư, mă-lei sư ưh kơ lê̆ trong kơnê̆ sư, na sư lôch yua kơ tơdrong yoch sư, lei ih arih huay kơ pŭ yoch ôh.

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.