Tơdrông Pơđơk 14:30 - Sơ̆p Hlabơar Nơ̆r 'Bok Kei-Dei

³⁰ Jơhngơ̆m hiôk-hian tơkan ba tơdrong arih kơ akâu jăn. Mă-lei areh hơrĕnh pơm kơting tĕnh kơ bŭk.

Tơdrông Pơđơk 14:30 ပူးပေါင်းရင်းမြစ်များ

I Pot 21:6

Sư tơl: “Yua kơ inh khan kơ Nabôt bơngai Jêsreel: ‘Tĕch ăn kơ inh mir hơmu ih 'noh inh gô ăn jên dah mă tơplih băl hăm mir hơmu inh nai kư̆m bưh, mă-lei sư khan: ‘Inh ưh kơ gơh ăn kơ ih mir hơmu inh.’ ”

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Tơdrông Pơđơk 12:4

Bơngai drŏ-kăn iơ̆m dim thoi môk pơtao ăn kơ klo sư. Mă-lei đei bơngai drŏ-kăn mơkoh noh thoi tơmam pơm kơ kơting bŭk.

Tơdrông Pơđơk 15:13

Jơhngơ̆m 'nă hal thar 'bôh muh măt chơt hiôk. Mă-lei đei jơhngơ̆m sơ'ngon pơm trăp kơ jơhngơ̆m đon.

Tơdrông Pơđơk 17:22

Jơhngơ̆m chơt hiôk thoi pơgang sĭt. Mă-lei đei jơhngơ̆m sơ'ngon pơm kơ kơting kro krĕnh.

Tơdrông Pơđơk 3:8

Noh tơdrong ming rơka ih gô klaih, kơting ih gô rơngơp hiôk,

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Jang 7:9

“Na lu 'bok kơdră bơ̆n ei sơ̆ gar oh sư, na tĕch oh sư Yôsep pơm đĭch đe tơ dêh Êyiptơ. Mă-lei 'Bok Kei-Dei wei-lăng Yôsep mơ̆n.

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

II Tim 1:7

'Bok Kei-Dei ăn kơ bơ̆n Yang Bơhngol 'Lơ̆ng Sư. Na Yang Bơhngol 'Lơ̆ng ưh kơ wă ăn kơ bơ̆n jơhngơ̆m lêl ôh, Sư ăn kơ bơ̆n jơhngơ̆m nuih kơtang. Sư ăn kơ bơ̆n gơh 'mêm kơ 'Bok Kei-Dei păng bôl buăl bơ̆n mơ̆n păng ăn kơ bơ̆n jơhngơ̆m chơ̆n tơpă.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”