Tơdrông Pơđơk 14:3 - Sơ̆p Hlabơar Nơ̆r 'Bok Kei-Dei

³ Bơngai kơtul pơma thoi đei 'long sơnguĕt teh kơdŭ rŏng kơdih. Hơkŭng lu bơngai hơgei wei akâu kơdih.

Tơdrông Pơđơk 14:3 ပူးပေါင်းရင်းမြစ်များ

Jop 5:21

Sư pơklaih ih đơ̆ng 'bơ̆r hơpiĕt bơngai pơma kơnê̆, Ih huay kơ hli ôh mă tơdrong răm truh.

Horiso 12:3

Apinh Kră Yang pơtôch đĭ lu bơngai pơma che bơle, Păng lu hơpiĕt mă pơma pơang;

Horiso 31:18

Pơm bĕ kơ 'bơ̆r lu bơngai hơlĕnh kơmlo. Lu nơ̆r pơang, lu sư pơma pơjăm lu bơngai tơpăt.

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Tơdrông Pơđơk 12:6

Tơdrong lu bơngai kơnê̆ pơma chă răp pơlôch tuh pham. Mă-lei 'bơ̆r lu bơngai tơpăt dŏng pơklaih kon bơngai.

Tơdrông Pơđơk 13:3

Bơngai bu gơh wei nơ̆r kơdih, bơngai noh gơh wei tơdrong arih sư; Bơngai bu ha 'bơ̆r kư̆ kă tă kơ răm ngăl.

Tơdrông Pơđơk 14:4

Tơ yơ ưh kơ đei kơpô rơmo tơ ei bơng 'nhĕt kư̆m hoh, Mă-lei đei kĕch 'ba lơ đơ̆ng rơmo tơno choh.

Tơdrông Pơđơk 18:6

'Bơ̆r lu bơngai kơwao ba tơdrong pơjah; 'Bơ̆r pơma pơgreh chă đe teh sư kơdih.

Tơdrông Pơđơk 18:7

'Bơ̆r bơngai kơwao pơma pơrăm tơ'ngla kơdih; Thoi hơđong hơ'năk kơ bơhngol kơdih akâu.

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Tơdrông Pơđơk 22:8

Bơngai bu rei đŏng gô tŏng kơ sư tơdrong pơmat; 'Long băl sư hil gô tơgơ̆.

Tơdrông Pơđơk 28:25

Bơngai bu đei jơhngơ̆m ham chă sơlam pơdrŭt đe tơhil băl. Mă-lei bơngai bu băt gơnang kơ Kră Yang gô phĭ jơnap.

Da 7:20

Inh kư̆m wă kơ băt sĭt gah mơjĭt tŏ hơke tơ kơ̆l sư păng đei pêng tŏ hơke mă tơgloh noh dơ̆ng. Hơke 'nâu đei măt lơ păng đei 'bơ̆r gơh pơma lu nơ̆r pơrŏ pơang păng hơbŏ rup sư pran kơtang hloh kơ lu hơke nai.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.