Tơdrông Pơđơk 14:13 - Sơ̆p Hlabơar Nơ̆r 'Bok Kei-Dei

¹³ Mă khan kơplah oei hiĕk chơt, kư̆m đei lăm jơhngơ̆m ơh sơ'ngon. Păng tuch-luch tơdrong chơt hiôk noh jing tơdrong ơh sơ'ngon tih.

Tơdrông Pơđơk 14:13 ပူးပေါင်းရင်းမြစ်များ

Tơdrông Pơđơk 5:4

Mă-lei tuch-luch jing đak tăng hloh kơmăt. Han hloh kơ đao gưm 'bar pah măt;

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 2:1

Inh pơma lăm to: “Inh pơlong hiôk chơt 'nă hal lăng 'mơ̆i, lăng lăng hăm đei kiơ hiôk. “Mă-lei inh 'bôh tơdrong noh kư̆m jơ̆ tơdrong kơ đei mơ̆n.

Bôk Bơthô 2:2

Inh khan: Hiĕk 'noh wơnh; chhôk hơnôk kơ kiơ?

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.