Tơdrông Pơđơk 14:11 - Sơ̆p Hlabơar Nơ̆r 'Bok Kei-Dei

¹¹ Hnam lu bơngai pơm kơnê̆ đe gô pơrăm, Mă-lei đei anih bơsŭn lu bơngai tơpăt rai hiôk-hian.

Tơdrông Pơđơk 14:11 ပူးပေါင်းရင်းမြစ်များ

Jop 15:34

Lu bơngai ưh kơ lui yom kơ Kră Yang gô hơwŏng. Ŭnh gô sa pơrăm bơsŭn lu bơngai sa pơgâm đe.

Jop 18:21

Tơpă, 'noh jơ̆ anih lu bơngai pơm kơnê̆ oei 'Noh anih lu bơngai ưh kơ băt kơ Kră Yang 'Bok Kei-Dei.

Jop 21:28

Lu iĕm jet: “Hnam bơngai pơm tih 'lơ̆ng oei tơ yơ? Bơsŭn lu bơngai pơm kơnê̆ oei tơ yơ?”

Jop 8:15

Sư gơnang kơ hnam sư mă-lei hnam ưh kơ kĕ kơ dơ̆ng ôh; lu sư rôp pơjăng kơ hnam, kư̆m ưh kơ kĕ kơ iung.

Jop 8:22

Lu bơngai areh kơ ih gô kơdơ̆ mơlâu. Bơsŭn lu bơngai pơm kơnê̆ gô răm đĭ.”

Jop 8:6

Tơdah ih rơgoh păng 'lơ̆ng tơpăt, sĭt tơpă Sư gô dŏng pơklaih ih, păng Sư gô tơiung dơ̆ng hnam dơnŏ, păng mŭk tơmam ih, wă apah kơ tơdrong ih tơpăt.

Horiso 128:3

Akăn ih thoi tơm hơmu plei trem oei lăm hnam ih. Lu kon ih oei tăp dăr gơ'bang thoi dơng ôliwơ.

Horiso 37:10

Pă 'biơ̆ kơnh lu bơngai kơnê̆ ưh pă đei. Mă Ih chă lăng tơ anih sư, kư̆m pă đei 'bôh dơ̆ng.

Tơdrông Pơđơk 11:28

Bơngai bu gơnang kơ mŭk tơmam mơdrŏng gô huŏng răm; Mă-lei đei bu tơpăt băt rai 'lơ̆ng thoi tơmơ̆ng hla hơdrih.

Tơdrông Pơđơk 12:7

Đe teh tơhuŏng lu bơngai kơnê̆ lu sư gô ưh pă đei. Mă-lei lu bơngai tơpăt oei kơjăp.

Tơdrông Pơđơk 15:25

Kră Yang gô teh tơhuŏng hnam lu bơngai pơang; Mă-lei sư gô bơwei hơdral teh lu drŏ-kăn adro.

Tơdrông Pơđơk 21:12

Yŏng 'lơ̆ng tơpăt băt lăng hơlen hnam bơngai pơm kơnê̆; Yŏng noh hơloh tơlơ̆ lê̆ lu bơngai kơnê̆ lăm tơdrong pơmat.

Tơdrông Pơđơk 21:20

Lu bơngai hơgei đei 'măn tơmam gĭt păng rơmă plei ôliwơ; Bơngai kơtul kơwao sa đĭ tơmam sư đei.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”