Tơdrông Pơđơk 13:25 - Sơ̆p Hlabơar Nơ̆r 'Bok Kei-Dei

²⁵ Bơngai tơpăt đei tơmam sŏng sa phĭ mah Mă-lei đei klak lu bơngai kơnê̆ gô pơngot.

Tơdrông Pơđơk 13:25 ပူးပေါင်းရင်းမြစ်များ

Horiso 103:5

Sư ăn kơ hơlŏng ih hrăp jơnap. Hăm tơmam sa 'lơ̆ng, sơnăm hơmuh hơmŏng ih wih 'nao dơ̆ng thoi Klang.

Horiso 132:15

Inh gô ăn kơ Siôn đei tơmam sa rơkah rơkai. Ăn kơ lu bơngai dơnuh hin pơlei noh sa phĭ rơkah.

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Horiso 37:16

Tơmam lu bơngai tơpăt tŏ sĕt ră, Mă-lei đei 'lơ̆ng hloh kơ tơmam lu bơngaic kơnê̆ đei rơkah rơkai.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Tơdrông Pơđơk 10:3

Kră Yang ưh kơ lê̆ ôh lu bơngai tơpăt pơngot rơwĕt. Mă-lei sư sơngah tơdrong bơngai kư̆ kă wă.

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 24:34

Lei tơdrong dơnuh gô truh kơ ih thoi bơngai ayăt. Păng tơdrong kơ'bah gô truh thoi bơngai chĕp tơmam tơblah oei tơblah.

Tơdrông Pơđơk 6:11

Thoi noh tơdrong dơnuh gô truh tơ ih thoi bơngai plah tơgar iŏk, Tơdrong kơ'bah gô truh tơ ih, thoi bơngai chĕp tơmam tơblah

Luka 15:14

Truh mŭk tơmam sư đĭ boih, đei pơngot rơwĕt dêh truh tơ tơring 'nei. Sư jing bơngai dơnuh hin,

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

II Tes 3:10

Hơtai nhôn oei hăm iĕm ki, nhôn kư̆m pơkă kơ iĕm thoi âu: “Bơngai bu alah ưh kơ wă jang, iĕm 'nĕ kơ 'me sư.”

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”