Tơdrông Pơđơk 13:17 - Sơ̆p Hlabơar Nơ̆r 'Bok Kei-Dei

¹⁷ Bơngai pơtruh tơdrong kơnê̆ gô tơ'bơ̆p tơdrong răm. Mă-lei bơngai pơtruh tơpăt băt ba tơdrong ming klaih jĭ.

Tơdrông Pơđơk 13:17 ပူးပေါင်းရင်းမြစ်များ

Tơdrông Pơđơk 10:26

Đak iŭ pơm kơ hơnĕnh hơker, thoi 'nhui pơm kơ măt hang, Lu bơngai hơlah sơngah kơ bơngai wơh sư thoi noh.

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 25:13

Bơngai đe wơh tơnăp hăm yŏng sư Thoi 'mui prĕl rơngơp bơyan yuă 'ba. Yua kơ pơm kơ bơhngol yŏng tơ'ngla sư hiôk.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 26:6

Bu gơnang kơ bơngai kơwao năm roi tơbăt kơ đe. Thoi koh lê̆ jơ̆ng chơ̆ng lê̆ blu sư kơdih păng huch iŏk tơdrong răm.

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Êsêkiên 3:18

Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Jo 31:8

Lu sư kư̆m pơlôch pơđăm 'nu pơtao Madian hơdai hăm lu bơngai mă lu sư đei pơlôch boih, anăn pơđăm 'nu pơtao noh, Êwi, Rêkem, Sur, Hur păng Reba, kư̆m iŏk đao pơlôch Balaam, kon drŏ-nglo Bêôr.

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 5:20

Dang ei nhôn jang tang Yêsu Krist năm chă bơtho đe. 'Bok Kei-Dei yua nhôn wă pơlung kon bơngai wih tơ Sư. Nhôn jang tang Yêsu Krist khan kơ đe thoi âu: “Bĕ wih tơ 'Bok Kei-Dei.”

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.