Tơdrông Pơđơk 13:16 - Sơ̆p Hlabơar Nơ̆r 'Bok Kei-Dei

¹⁶ Bơngai hơgei đei pơm kiơ̆ đon hlôh wao; Gah lu bơngai kơhlôh tơ'bôh tơdrong kơtul sư.

Tơdrông Pơđơk 13:16 ပူးပေါင်းရင်းမြစ်များ

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Tơdrông Pơđơk 14:33

Tơdrong hơgei oei lăm jơhngơ̆m bơngai hlôh wao; Mă-lei tơdrong hơgei ưh kơ oei lăm jơhngơ̆m bơngai kơtul.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 18:2

Bơngai kơtul ưh kơ wă ôh tơdrong hlôh wao; Mă-lei 'maih roi tơdrong kơdih akâu tơchĕng đĕch.

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Bôk Bơthô 10:13

Nơ̆r sư pơma, blŭng-a jơ̆ kơtul, tuch-luch sư kơtul răm rai dêh.

Bôk Bơthô 10:3

Truh tơ yak rok trong tih bơngai kơtul nơnăm kư̆m ưh kơ wao; tơ'bôh ăn kơ đĭ-đăng bơngai băt sư bơngai kơtul.

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Rom 16:19

Mă-lei gah iĕm, đĭ-đăng kơ đe băt kơ iĕm lui kơjăp tơpă, thoi noh na jơhngơ̆m inh hiôk dêh. Păng inh wă kơ iĕm hơgei, gơh tơchĕng tơdrong trŏ sư thoi yơ, tơdrong glăi sư thoi yơ. Inh ưh kơ wă kơ iĕm hơgei gah tơdrong kơnê̆ ôh.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Êphêsô 5:17

Thoi noh na bơ̆n athei kơchăng oei mă hơđơ̆ng 'nĕ kơ pơm thoi bơngai kơhlôh, adrol kơ wă pơm athei tơchĕng lăng 'mơ̆i wă kơ băt Kră Yang lăp đon kơ bơ̆n pơm dah ưh.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

I Sam 25:25

Apinh ih 'nĕ kơ jơ̆ yo kơ Nabal bơngai khĕnh to 'noh; yua kơ jơhngơ̆m klơm klak sư trŏ kơ anăn sư, anăn sư Nabal yua kơ lăm sư đei ưh kơwao, kơchu; gah inh, inh ưh kơ 'bôh lu bơngai mă ih wơh.