Tơdrông Pơđơk 12:22 - Sơ̆p Hlabơar Nơ̆r 'Bok Kei-Dei

²² Kră Yang areh kơ lu bơngai pơma hơlĕnh pơdăr; Mă-lei Sư lăp đon kơ lu bơngai pơma tơpăt.

Tơdrông Pơđơk 12:22 ပူးပေါင်းရင်းမြစ်များ

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Horiso 120:2

Ơ Kră Yang, apinh pơklaih bơhngol inh đơ̆ng 'bơ̆r hơlĕnh, Đơ̆ng hơpiĕt lu bơngai pơhlŭ.

Horiso 5:6

Ih gô pơrăm đĭ lu bơngai pơm pơma hơlĕnh, Ih areh kơ lu bơngai pơlôch đe, Hăm lu bơngai sa pơgâm.

Tơdrông Pơđơk 11:1

Kră Yang ưh kơ lăp ôh kơ 'long kŏng sa pơgâm. Mă-lei plei kŏng trŏ noh sư lăp đon.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 17:7

Nơ̆r pơma 'lơ̆ng ưh kơ lăp ôh hăm lu bơngai kơwao, Hloh kơ noh nơ̆r pơma hơlĕnh rai ưh kơ lăp kơ bơngai pơgơ̆r.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.