Tơdrông Pơđơk 12:12 - Sơ̆p Hlabơar Nơ̆r 'Bok Kei-Dei

¹² Lu bơngai kơnê̆ ham 'maih chă tơgar đơ̆ng đe, Mă-lei bơngai tơpăt chăt rơh đei plei yua.

Tơdrông Pơđơk 12:12 ပူးပေါင်းရင်းမြစ်များ

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 10:9

Sư ôn lăm anih hlơp thoi dăm-brang oei lăm trôm sơlŭng sư, Sư oei răp wă rôp lu bơngai dơnuh răm. Sư răp bơngai dơnuh răm puh lăm hơnhuăl sư, na rôp hloi lu sư.

Horiso 9:15

Lu kon pơlei pơla huŏng boih lăm sơlŭng đơ̆ng lu sư sir; Jơ̆ng lu sư đom boih lăm hơnhuăl đêl lu sư dăng

Tơdrông Pơđơk 10:15

Mŭk tơmam bơngai mơdrŏng jing thoi kơđông kơjăp kơ sư, Mă-lei tơdrong hiong răm kơ bơngai dơnuh hoh noh tơdrong dơnuh hin kơ lu sư.

Tơdrông Pơđơk 11:30

Bơngai 'lơ̆ng tơpăt gô đei nhen thoi tơnơm 'long arih, Bơngai gơh hơgei đei dŏng bơhngol đe.

Tơdrông Pơđơk 21:10

Jơhngơ̆m lu bơngai pơm kơnê̆ hơpơi wă chă tơdrong kơnê̆. Lu kon pơlei oei jê̆ sư ưh kơ đei layơ hiôk 'bơ̆t anăp sư.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 37:31

Lăm adrĕch adrung Juđa bơngai oei arih gô Sôr rơh tơ ala păng gô đei plei tơ kơpal.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:5

“Thoi noh na Inh wă roi kơ iĕm mă nhên dơ̆ng: Inh thoi lĕ kơ tơm 'long, iĕm thoi lĕ kơ dơng, tơ'bla, sơdrai. Bơngai bu oei kơjăp lăm Inh, Inh oei lăm sư mơ̆n, bơngai 'noh sư gô đei plei trem. Dah ưh kơ đei Inh, iĕm ưh kơ gơh pơm kiơ ôh.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.