Tơdrông Pơđơk 11:28 - Sơ̆p Hlabơar Nơ̆r 'Bok Kei-Dei

²⁸ Bơngai bu gơnang kơ mŭk tơmam mơdrŏng gô huŏng răm; Mă-lei đei bu tơpăt băt rai 'lơ̆ng thoi tơmơ̆ng hla hơdrih.

Tơdrông Pơđơk 11:28 ပူးပေါင်းရင်းမြစ်များ

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 49:6

Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Tơdrông Pơđơk 10:15

Mŭk tơmam bơngai mơdrŏng jing thoi kơđông kơjăp kơ sư, Mă-lei tơdrong hiong răm kơ bơngai dơnuh hoh noh tơdrong dơnuh hin kơ lu sư.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.