Tơdrông Pơđơk 11:17 - Sơ̆p Hlabơar Nơ̆r 'Bok Kei-Dei

¹⁷ Bơngai iơ̆m dim thim hiôk kơ bơhngol sư; Mă-lei lu bơngai pơm kơnê̆ gô pơrăm sĕch akar sư.

Tơdrông Pơđơk 11:17 ပူးပေါင်းရင်းမြစ်များ

Jop 20:16

Noh thoi sư gô doch luăn bih 'bih dong. Hơpiĕt 'bih đei bih hơkăm gô pơlôch sư.

Tơdrông Pơđơk 15:27

Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Êsai 57:1

Bơngai 'lơ̆ng tơpăt lôch đĭ. Ưh kơ đei bơngai bu 'blŏk hơdơ̆r. Bơngai đei jơhngơ̆m đon 'mêm mơnat đĭ hiong. Ưh kơ đei bơngai bu băt tơchĕng khan. Bơngai 'lơ̆ng tơpăt Kră Yang iŏk sư wă kơ sư huay kơ 'bơm tơdrong truh răm.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Luka 6:38

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.