Tơdrông Pơđơk 10:6 - Sơ̆p Hlabơar Nơ̆r 'Bok Kei-Dei

⁶ Tơdrong pŭn hiôk pôk dan kơpal kơ̆l lu bơngai tơpăt; Mă-lei lăm 'bơ̆r lu bơngai kơnê̆ ôn tơdrong kơnê̆.

Tơdrông Pơđơk 10:6 ပူးပေါင်းရင်းမြစ်များ

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Jop 29:13

Bơngai wă jê̆ lôch sơkat tuh ăn kơ inh pŭn hiôk. Đơ̆ng inh, jơhngơ̆m bơngai adro chơt hiôk.

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Tơdrông Pơđơk 10:11

Nơ̆r đơ̆ng 'bơ̆r lu bơngai tơpăt noh boih tơm tơdrong arih; Mă-lei 'bơ̆r lu bơngai pơm kơnê̆ ôn tơdrong kơnê̆.

Tơdrông Pơđơk 10:5

Bu băt mong 'măn lê̆ lăm bơyan phang noh boih bơngai kon drŏ-nglo gơh hơgei; Mă-lei đei bơngai kon drŏ-nglo ayơ tep bơyan kĕch pŭ iŏk tơdrong mơlâu.

Tơdrông Pơđơk 11:26

Bơngai bu mong 'ba sa kơdih, kon pơlei blei hiap, Mă-lei bơngai bu đei tĕch 'ba gô sơkat ăn pŭn hiôk.

Tơdrông Pơđơk 24:25

Mă-lei bơngai bu chrih kơ bơngai pơm yoch đei chơt hiôk. Tơdrong pŭn hiôk truh tơ lu sư.

Tơdrông Pơđơk 28:20

Bơngai tơpăt gô đei pŭn hiôk lơ; Bơngai bu hăt chă mơdrŏng pă jor gô phak pơmat.

Tơdrông Pơđơk 3:33

Tơdrong Kră Yang hiap oei lăm hnam lu bơngai pơm kơnê̆. Mă-lei Sư bơnê ăn pŭn hiôk kơ hnam lu bơngai pơm 'lơ̆ng.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Ob 1:10

Noh yua kơ đơ̆ng tơdrong kơnê̆ ih pơm kơ oh ih Jakôp, mă ih gô pŭ iŏk mơlâu păng lôch hiong ling-lang hlong hloi!

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Both 28:2

Tơdah iĕm mơ̆ng pơm kiơ̆ nơ̆r Kră Yang 'Bok Kei-Dei iĕm, dôm tơdrong pŭn hiôk gô jur tơ iĕm đei hloi.