Tơdrông Pơđơk 10:21 - Sơ̆p Hlabơar Nơ̆r 'Bok Kei-Dei

²¹ Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 10:21 ပူးပေါင်းရင်းမြစ်များ

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 37:30

'Bơ̆r lu bơngai tơpăt pơma lĕch gơh hơgei, Păng hơpiĕt sư roi tơdrong tơpăt.

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Tơdrông Pơđơk 10:11

Nơ̆r đơ̆ng 'bơ̆r lu bơngai tơpăt noh boih tơm tơdrong arih; Mă-lei 'bơ̆r lu bơngai pơm kơnê̆ ôn tơdrong kơnê̆.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Tơdrông Pơđơk 15:4

Hơpiĕt pơma rơngơp noh thoi tơm 'long arih; Mă-lei đei hơpiĕt lu bơngai kơnê̆ tuĕnh jĭ pơrăm lăm jơhngơ̆m.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Tơdrông Pơđơk 5:12

Ih khan, Inh areh dêh kơ tơdrong bơtho hơmet. Păng jơhngơ̆m inh sơngah kơ tơdrong chrih.

Tơdrông Pơđơk 5:2

Wă kơ ih răk đon gơh hơgei, bơwei 'bơ̆r hlôh wao ih.

Tơdrông Pơđơk 5:23

Sư gô lôch yua kơ ưh kơ mơ̆ng đei bơtho khan, Sư gô wơ̆l jrok yua kơ ưh kơhlôh kơwao.

Tơdrông Pơđơk 6:32

Bơngai bu pơm pơyô kư̆ kă bơngai noh hiong đĭ tơdrong tơchĕng. Bơngai bu pơm thoi noh, gô pơrăm sư kơdih.

Bôk Bơthô 12:11

Nơ̆r bơngai hơgei đei tơdrong pơdrŭt pơm kơ đe 'maih đŏk; sư rơih pơrĕng lu nơ̆r pơđơ̆k 'lơ̆ng kơjăp thoi pơ̆ng kơđĭnh tơ jrăng nơ̆r noh đơ̆ng Tơ'ngla wei triu ră roi.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Je 3:15

Inh gô ăn kơ iĕm lu bơngai wei-lăng kiơ̆ thoi Inh lăp; lu sư gô wei rong chông anhăk lu iĕm hăm tơdrong gơh hơgei hlôh wao.”

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Mathiơ 12:35

Bơngai 'lơ̆ng, sư đei jơhngơ̆m 'lơ̆ng, sư pơma kiơ̆ 'lơ̆ng. Bơngai kơnê̆, sư đei jơhngơ̆m kơnê̆, sư pơma kiơ̆ kơnê̆.

Mathiơ 13:19

Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.