Tơdrông Pơđơk 1:33 - Sơ̆p Hlabơar Nơ̆r 'Bok Kei-Dei

³³ Mă-lei bơngai bu mơ̆ng kiơ̆ Inh gô oei hiôk-hian. Oei hơđơ̆ng ưh kơ đei hli kơ tơdrong kiơ truh.

Tơdrông Pơđơk 1:33 ပူးပေါင်းရင်းမြစ်များ

Jop 36:11

Tơdah lu sư chu mơ̆ng păng bơ̆jang kơ Kră Yang, lei dôm năr lu sư gô arih đei tơdrong hiôk chơt, sơnăm lu sư pŭn jơnap.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Tơdrông Pơđơk 12:21

Ưh kơ đei tơdrong kiơ truh kơ lu bơngai 'lơ̆ng tơpăt; Mă-lei đei tơdrong truh răm kơ lu bơngai pơm kơnê̆.

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Tơdrông Pơđơk 9:11

Yua kơ đơ̆ng Inh, na năr ih arih sot hloh, Lu sơnăm ih arih thim rai kơjung sot hloi.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Lêwi 25:18

Thoi noh lu iĕm athei pơm kiơ̆ kơ nơ̆r inh athei, bơwei tơdrong juăt păng rok kiơ̆, thoi noh na lu iĕm gô arih hiôk hơđơ̆ng lăm tơring char iĕm.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Luka 21:9

Mă iĕm kơtơ̆ng đe tơblah mă tih, mă iĕ, iĕm 'nĕ kơ hli hŏ. Tơdrong noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.”

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.