Tơdrông Pơđơk 1:31 - Sơ̆p Hlabơar Nơ̆r 'Bok Kei-Dei

³¹ Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Tơdrông Pơđơk 1:31 ပူးပေါင်းရင်းမြစ်များ

Jop 4:8

Kiơ̆ thoi inh 'bôh bơngai mă choh hăm tơdrong kơnê̆, lu bơngai rei tơdrong pơmat-tat đĕch, gô kĕch iŏk tơdrong noh.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Tơdrông Pơđơk 12:14

Đei plei 'lơ̆ng đơ̆ng nơ̆r 'bơ̆r pơma, na ih đei tôm tơdrong 'lơ̆ng. Na đe ăn trŏ thoi tơdrong jang đêl sư pơm.

Tơdrông Pơđơk 13:2

Bơngai 'lơ̆ng sa plei 'lơ̆ng đơ̆ng 'bơ̆r sư pơma; Mă-lei lu bơngai hơlĕnh pơdăr gô sa plei kơnê̆ đơ̆ng tơdrong kơnê̆.

Tơdrông Pơđơk 14:14

Jơhngơ̆m hơlĕnh gô tơ'bĕnh blĕk thoi sư pơm; Mă-lei bơngai 'lơ̆ng đơ̆ng jơ̆ng ti kơdih đei apah kiơ̆ trong sư.

Tơdrông Pơđơk 22:8

Bơngai bu rei đŏng gô tŏng kơ sư tơdrong pơmat; 'Long băl sư hil gô tơgơ̆.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Tơdrông Pơđơk 5:23

Sư gô lôch yua kơ ưh kơ mơ̆ng đei bơtho khan, Sư gô wơ̆l jrok yua kơ ưh kơhlôh kơwao.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Êsai 66:4

Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.