Tơdrông Pơđơk 1:28 - Sơ̆p Hlabơar Nơ̆r 'Bok Kei-Dei

²⁸ Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Tơdrông Pơđơk 1:28 ပူးပေါင်းရင်းမြစ်များ

Bl 6:3

Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

Jop 27:9

Kơplah đei tơdrong răm truh, Kră Yang 'Bok Kei-Dei hăm mơ̆ng nơ̆r lu sư krao ôr?

Jop 35:12

Lu sư krao ôr, mă-lei Kră Yang ưh kơ đei tơl tơwih, Yua kơ lu sư pơang păng pơm kơnê̆.

Horiso 18:41

Lu sư ôr krao, mă-lei ưh kơ đei bu dŏng; Lu sư krao chă Kră Yang, mă-lei Sư ưh kơ tơl tơwih.

Horiso 18:42

Inh teh pơrăm lu sư hĕch hoch thoi 'mui teh kial pơbăr pơđông. Inh tuh lê̆f lu sư thoi rơnŭk rok trong.

Horiso 66:18

Tơdah jơhngơ̆m inh mong răk tơdrong kơnê̆; Lei Kră Yang 'Bok Kei-Dei kuă kơ mơ̆ng nơ̆r inh.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Hơri Hiôk 5:6

Inh pơih 'măng kơ pơyô inh, Mă-lei sư hlôi weh tơ nai boih, Jơhngơ̆m inh pơngê̆ 'bơ̆t sư oei pơma. Inh chă sư, mă-lei ưh kơ 'bôh, Inh krao sư, mă-lei pă tơl boih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Hôsia 5:6

Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.

Am 8:12

Lu sư gô năm pơtoi đơ̆ng đak dơsĭ âu dĭng truh tơ đak dơsĭ to, đơ̆ng yă-nơ̆m truh tơ gah hơlĕch; kơdâu tơ âu tơ to wă chă nơ̆r Kră Yang, mă-lei chă ưh kơ đei.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Both 1:45

Na lu iĕm brŏk nhơ̆m krao Kră Yang, mă-lei Kră Yang ưh kơ wă mơ̆ng păng ưh kơ đei pơgling đon mơ̆ng lu iĕm.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.

I Sam 8:18

Kơplah ei kơnh lu iĕm gô ôr krao yua kơ đơ̆ng pơtao mă iĕm đei rơih iŏk noh, mă-lei Kră Yang ưh kơ wă mơ̆ng nơ̆r lu iĕm ôh.