Tơdrông Pơđơk 1:11 - Sơ̆p Hlabơar Nơ̆r 'Bok Kei-Dei

¹¹ Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Tơdrông Pơđơk 1:11 ပူးပေါင်းရင်းမြစ်များ

Horiso 17:12

Lu sư thoi dăm-brang pơngot. Hơrum 'maih hek sa thoi kon dăm-brang oei răp lăm anih hlơp.

Horiso 35:7

Yua kơ lu sư dăng hơnhuăl kơ inh tơdrong kơ đei. Păng lu sư sir sơlŭng jrŭ wă kơ inhb puh tơdrong kơ đei.

Horiso 56:6

Lu sư pơđâud chop lănge đêl jơ̆ng inh yak. Lu sư 'maih pơrăm tơdrong arih inh.

Tơdrông Pơđơk 1:16

Yua kơ jơ̆ng lu sư kơdâu kiơ̆ trong pơm kơnê̆, hăt hot chă pơlôch đe.

Tơdrông Pơđơk 1:18

Mă-lei lu sư wă chă pơlôch kơdih akâu, Păng răp wă pơrăm tơdrong arih kơdih.

Tơdrông Pơđơk 12:6

Tơdrong lu bơngai kơnê̆ pơma chă răp pơlôch tuh pham. Mă-lei 'bơ̆r lu bơngai tơpăt dŏng pơklaih kon bơngai.

Tơdrông Pơđơk 24:15

Ơ bơngai pơm kơnê̆, Lê̆ kơ răp chop hnam bơngai tơpăt; 'Nĕ kơ pơrăm ôh anih sư oei.

Tơdrông Pơđơk 29:24

Bơngai bu ngôi hơdai hăm bơngai tơtông ayăt kơ bơhngol sư; Đe ăn sư pơkă pơkăm ră mă-lei ưh kơ pơ̆n pơma kiơ.

Tơdrông Pơđơk 30:14

Đei khŭl bơngai hơnĕnh sư thoi đao gưm. Hơnĕnh tơ'ngam sư thoi săng, Wă luăn sa lu bơngai dơnuh hoh đơ̆ng teh, păng đơ̆ng lăm adrĕch kon bơngai.

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 5:26

Đei lu bơngai kơnê̆ oei hơdai lăm lu kon pơlei Inh, lu sư thoi bơngai răp dăng hơnhuăl kơ sem, lu sư đăk hơđong wă rôp bơngai.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

Jang 23:15

Na dang ei nhôn wă kơ iĕm apinh 'bok tih linh ăn kơ Pôl năm tơ lu iĕm, khan iĕm wă pơma tơdrong Pôl dơ̆ng. Na lăp lu linh năm ba sư oei năm rok trong, na lu nhôn wă răp pơlôch Pôl hloi.”