Sa 9:15 - Sơ̆p Hlabơar Nơ̆r 'Bok Kei-Dei

¹⁵ Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Sa 9:15 ပူးပေါင်းရင်းမြစ်များ

Jop 41:28

Mă 'brơ̆m hră kư̆m ưh đei pơm ăn kơ sư hli kơdâu ôn. Mă hră kaosu prah sư hăm tơmo Sư lăng thoi hơkam 'ba.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Le 27:2

'Bơ̆t puăn pah mum chơnang soi ih pơm puăn tŏ ake hlôi tơ 'nguaih păng lom păng kong.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Hơri Hiôk 7:9

Ih Chŭm inh 'ngam thoi đak hơmu. Ro hloi tơ hơkŭng păng hơnĕnh inh.

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Lêwi 4:18

Đơ̆ng noh sư gô pik pham tơ lu ake chơnang soi lăm Bơsŭn Anih Akŭm 'bơ̆t anăp Kră Yang, đơ̆ng noh lu pham oei đei tuh đĭ tơ jơ̆ng chơnang soi tơmam soi pơyơ̆r 'buh dan tơ 'măng Bơsŭn Anih Akŭm.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:7

'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 14:20

Lăm năr noh, gô chhơ̆ chư tơ krĕng-nĕng aseh thoi âu: “'LƠ̆NG RƠGOH KƠ KRĂ YANG!” Lu gŏ lăm hnam Kră Yang gô nhen thoi lu pơnhan kơpal gơ'bang soi.

Sa 14:3

Dang ei, Kră Yang gô năm blah hăm lu dêh char noh, kư̆m thoi sư đei blah boih lăm năr tơblah.

Sa 2:9

Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

I Sam 17:45

Đawit khan kơ bơngai Philistin: Ih chĕp đao, năm blah inh, gah inh; inh yua anăn Kră Yang Tih Hloh, noh Kră Yang 'Bok Kei-Dei lu linh bơngai Isơrael, mă lu iĕm pơjăm pơjuă.