Sa 9:13 - Sơ̆p Hlabơar Nơ̆r 'Bok Kei-Dei

¹³ Inh gô gŭt Juđa thoi hră păng Êphraim jing 'brơ̆m sư; Inh gô pơdrŭt lu kon drŏ-nglo ih, ơ Siôn, tơblah hăm lu kon drŏ-nglo ih, ơ char Grĕk; Inh gô yua lu iĕm thoi đao lu bơngai tơblah.”

Sa 9:13 ပူးပေါင်းရင်းမြစ်များ

Horiso 144:1

Kơkuh bơnê bĕ kơ Kră Yang jơ̆ Tơmo Tih inh! Sư pơjuăt ti inh wă kơ tơblah, pơhrăm hơnglâu ti inh gơh tơblah.

Horiso 149:6

Ăn nơ̆r hơri ư-ang kơ Kră Yang 'Bok Kei-Dei oei lăm 'bơ̆r lu sư. Chĕp đao 'bar pah măt lăm ti lu sư.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Êsai 49:2

Kră Yang pơm kơ 'bơ̆r inh thoi lĕ kơ đao han; klơ̆p ôn inh hăm yơ̆p kơkŏng ti sư pơm kơ inh thoi 'brơ̆m hră suĕng. Păng ôn lê̆ inh lăm jŏ 'brơ̆m hră Sư.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Nhom 4:2

Lu kon drŏ-nglo Siôn gĭt kăl thoi maih se. Dang ei lăng thoi gŏ lơ̆n đơ̆ng ti lu bơngai man!

Am 2:11

Inh đei pơjing tơiung lu bơngai khan lê̆ adrol lăm lu kon pơlei iĕm păng pơjing dôm lu bơngai Nasiril lăm lu kon tơdăm iĕm. Kră Yang khan: Ơ kon sâu Isơrael, hăm trŏ thoi ei?

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Sa 1:21

Na inh apinh: “Lu bơngai âu truh wă pơm kiơ?” Sư tơl: “Noh boih lu hơke mă pơm kơ char Juđa pơchah đĭ, dĭng mah pă đei bu pơ̆n ngơk muh măt; mă-lei lu bơngai âu truh boih wă tơhli lu sư păng wă klơ̆m hŭt lê̆ lu hơke đơ̆ng dêh char nai mă đei yua hơke tơblah hăm teh đak Juđa wă pơrăm pơchah lê̆ sư.”

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.

Tơdrông Tơ'bôh 2:12

“Dang ei dơ̆ng ih chih kơ kră wei-lăng hnam akŭm tơ Pơlei Pêgam thoi âu: 'Bok mă đei minh hlak đao han đei 'bar pah măt noh Sư wă pơma kơ iĕm thoi âu: