Sa 8:22 - Sơ̆p Hlabơar Nơ̆r 'Bok Kei-Dei

²² Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Sa 8:22 ပူးပေါင်းရင်းမြစ်များ

Horiso 68:30

Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 25:7

Tơ kơpal kông âu, Sư gô pơrăm lê̆ che pĕng măt đĭ-đăng kon pơlei pơla păng che pĕng măt đĭ-đăng teh đak.

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Mi 4:3

Sư gô pơjing tơdrong sek tơlang tơ rim adrĕch adrung, sek tơbăt tơpăt kơ dôm lu dêh char pran kơtang oei tơ anih ataih; păng lu sư gô iŏk đao hơjơ̆m pơm pla 'nhik choh, iŏk hơlă pơm pla săng kô; dêh âu pă đei iung blah dêh nai păng kư̆m pă đei pơhrăm tơdrong wă tơblah dơ̆ng.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Sa 14:16

Đei tơdrong truh kơ đĭ-đăng lu bơngai mă oei đei lăm jơ̆p kơ dêh char gô tŏk blah Jêrusalem, gô tŏk tơ noh rim sơnăm wă kơkuh 'bơ̆t anăp pơtao, noh boih Kră Yang Tih Hloh păng kư̆m năm kơ năr giĕng bơsŭn.

Sa 8:21

păng gô đei kon pơlei 'nâu năm tơ pơlei nai păng khan thoi âu: ‘Bĕ lu bơ̆n yak mă kuăng, wă kơ apinh tơdrong mơnat đơ̆ng Kră Yang păng chơchă Kră Yang Tih Hloh; inh kư̆m gô năm.’

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 21:24

Rim kơ khŭl kon bơngai jơ̆p kơ teh đak gô yak nơnăm yua hơdah pơlei noh pơchrang. Kư̆m đei lu 'bok pơtao đơ̆ng jơ̆p kơ teh đak năm ư-ang kơ 'Bok Kei-Dei hăm Kon Triu tơ noh.