Sa 6:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Sa 6:15 ပူးပေါင်းရင်းမြစ်များ

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Êsai 60:10

Lu bơngai tơmoi gô man pơdơ̆ng ming dur ih păng pơtao lu sư gô bơ̆jang kơ ih kơplah Inh hil mĭl đei teh tôn mă-lei 'bơ̆t Inh mơnat, Inh pơm 'lơ̆ng kơ ih dơ̆ng.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Rom 16:26

Mă-lei dang ei 'Bok Kei-Dei tơbăt ăn kơ bơ̆n boih, Sư tơbăt ăn kơ bơ̆n lăm tơdrong lu bơngai pơtruh nơ̆r Sư chih roi sơ̆. Sư wă kơ đĭ-đăng bơngai jơ̆p kơ teh đak băt kơ tơdrong 'nao 'lơ̆ng Yêsu Krist, wă kơ đĭ-đăng bơngai lui kơ Sư.

Both 30:10

Tơdah lu iĕm chu pơm kiơ̆ Kră Yang 'Bok Kei-Dei iĕm wei răk nơ̆r tơtă tơdrong juăt mă sư đei chih lăm Sơ̆p hla bơar khôi juăt mă sư đei chih lăm Sơ̆p hla bơar khôi juăt 'nâu păng đĭ jơhngơ̆m đĭ bơhngol wih tơ Kră Yang 'Bok Kei-Dei iĕm.