Sa 14:19 - Sơ̆p Hlabơar Nơ̆r 'Bok Kei-Dei

¹⁹ Noh tơdrong phak đe Êyiptơ păng tơdrong phak lu dêh char mă kuă tŏk kơkuh năr giĕng bơsŭn kư̆m thoi noh.

Sa 14:19 ပူးပေါင်းရင်းမြစ်များ

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Lêwi 23:34

Roi khan bĕ kơ bơngai Isơrael, 'bơ̆t năr mơjĭt-pơđăm khei tơpơhf âu, pơm giĕng bơsŭn lăm tơpơh năr wă kơkuh kơ Kră Yang.

Sa 14:18

Tơdah lu adrĕch adrung bơngai Êyiptơ ưh kơ tŏk dah ưh kơ truh tơ noh, na 'mi kư̆m ưh kơ truh tơ lu sư; păng lu sư gô lôch hơbuh 'nâu, noh toi mă Kră Yang yua wă phak lu dêh char mă ưh kơ tŏk tơ pơlei Jêrusalem wă kơkuh năr giĕng bơsŭn.

Sa 14:20

Lăm năr noh, gô chhơ̆ chư tơ krĕng-nĕng aseh thoi âu: “'LƠ̆NG RƠGOH KƠ KRĂ YANG!” Lu gŏ lăm hnam Kră Yang gô nhen thoi lu pơnhan kơpal gơ'bang soi.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.