Sa 14:18 - Sơ̆p Hlabơar Nơ̆r 'Bok Kei-Dei

¹⁸ Tơdah lu adrĕch adrung bơngai Êyiptơ ưh kơ tŏk dah ưh kơ truh tơ noh, na 'mi kư̆m ưh kơ truh tơ lu sư; păng lu sư gô lôch hơbuh 'nâu, noh toi mă Kră Yang yua wă phak lu dêh char mă ưh kơ tŏk tơ pơlei Jêrusalem wă kơkuh năr giĕng bơsŭn.

Sa 14:18 ပူးပေါင်းရင်းမြစ်များ

Êsai 60:12

kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Lêwi 23:34

Roi khan bĕ kơ bơngai Isơrael, 'bơ̆t năr mơjĭt-pơđăm khei tơpơhf âu, pơm giĕng bơsŭn lăm tơpơh năr wă kơkuh kơ Kră Yang.

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Sa 14:12

Đơ̆ng noh, 'nâu mă Kră Yang wă phak lu bơngai mă tơblah hăm Jêrusalem: Sư pơm ăn kơ jơ̆ng rim 'nu lu sư bluch kơplah lu sư oei dang dơ̆ng, klong măt lu sư gô ôm lăm măt, đơ̆ng noh hơpiĕt lu sư gô ôm lăm 'bơ̆r lu sư.

Sa 14:15

Păng kư̆m đei toi truh tơ lu aseh, lu lăk-đa, aseh bri păng đĭ-đăng lu kon sem dơrong lăm kơđông linh, tă kơ đei toi thoi noh.

Sa 14:19

Noh tơdrong phak đe Êyiptơ păng tơdrong phak lu dêh char mă kuă tŏk kơkuh năr giĕng bơsŭn kư̆m thoi noh.