Sa 14:12 - Sơ̆p Hlabơar Nơ̆r 'Bok Kei-Dei

¹² Đơ̆ng noh, 'nâu mă Kră Yang wă phak lu bơngai mă tơblah hăm Jêrusalem: Sư pơm ăn kơ jơ̆ng rim 'nu lu sư bluch kơplah lu sư oei dang dơ̆ng, klong măt lu sư gô ôm lăm măt, đơ̆ng noh hơpiĕt lu sư gô ôm lăm 'bơ̆r lu sư.

Sa 14:12 ပူးပေါင်းရင်းမြစ်များ

II Ho 21:15

Gah ih gô jĭ pơmat dêh rim năr rai dêh dĭng mah klơm klak ih ôm lĕch tơ 'nguaih.’ ”

Jop 18:13

Akar sư jô hŏnh yua kơ jĭ jăn, Kon kơdră yŏng tơdrong lôch pơrăm lê̆ jơ̆ng ti sư.

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Lêwi 26:18

Thoi ei ră mă-lei iĕm oei ưh kơ mơ̆ng Inh, yua kơ tơdrong iĕm pơm yoch glăi noh Inh gô phak tơmal iĕm tơpơh wơ̆t.

Lêwi 26:21

Tơdah iĕm blơ̆ Inh păng ưh kơ wă mơ̆ng Inh, Inh gô ăn tơdrong gleh truh kơ iĕm tơpơh wơ̆t hloh kiơ̆ kơ tơdrong yoch iĕm pơm.

Lêwi 26:24

Inh kư̆m gô pơm tơwih kơ lu iĕm, Inh gô teh tôn lu iĕm tơpơh wơ̆t hloh kơ adrol, yua kơ tơdrong yoch lu iĕm.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Sa 12:9

“Lăm năr noh Inh gô chă pơrăm đĭ-đăng pơlei, dêh char ayơ mă blah Jêrusalem.”

Sa 14:15

Păng kư̆m đei toi truh tơ lu aseh, lu lăk-đa, aseh bri păng đĭ-đăng lu kon sem dơrong lăm kơđông linh, tă kơ đei toi thoi noh.

Sa 14:18

Tơdah lu adrĕch adrung bơngai Êyiptơ ưh kơ tŏk dah ưh kơ truh tơ noh, na 'mi kư̆m ưh kơ truh tơ lu sư; păng lu sư gô lôch hơbuh 'nâu, noh toi mă Kră Yang yua wă phak lu dêh char mă ưh kơ tŏk tơ pơlei Jêrusalem wă kơkuh năr giĕng bơsŭn.

Sa 14:3

Dang ei, Kră Yang gô năm blah hăm lu dêh char noh, kư̆m thoi sư đei blah boih lăm năr tơblah.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Both 28:21

Kră Yang gô ăn jĭ hơbuh druh kiơ̆ iĕm dĭng Sư pơrăm iĕm lôch hiong đĭ đơ̆ng teh mă iĕm gô mơ̆t iŏk.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:59

na Kră Yang gô ăn đei tơdrong truh kơ iĕm păng tơ lu kon sâu iĕm pơmat-tat krưp đe tam lah 'bôh ôh, tơdrong pơmat tih păng đunh, đei tơdrong jĭ anat păng đunh, lu tơdrong jĭ krưp.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.