Sa 12:6 - Sơ̆p Hlabơar Nơ̆r 'Bok Kei-Dei

⁶ Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Sa 12:6 ပူးပေါင်းရင်းမြစ်များ

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Ob 1:18

Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!

Sa 12:5

Dang ei đei lu kră pơgơ̆r char Juđa pơma lăm jơhngơ̆m lu sư khan: Lu kon pơlei oei tơ Jêrusalem jing tơdrong pran kơtang inh, Kră Yang Tih Hloh, noh boih Kră Yang 'Bok Kei-Dei lu sư.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.