Sa 11:16 - Sơ̆p Hlabơar Nơ̆r 'Bok Kei-Dei

¹⁶ Yua kơ âu, Inh gô tơiung ăn minh 'nu bơngai plơ̆ng jing bơngai wei-lăng triu kơpal teh âu. Mă-lei sư ưh kơ hiơ̆k kơ triu ôh, kư̆m ưh kơ chơchă lu triu hiong, ưh kơ wă ming lu triu rơka, ưh kơ wă rong lu triu bek jăng, mă-lei 'buh sa lu triu mă bek 'lơ̆ng noh păng hek lê̆ kơchôp lu sư.

Sa 11:16 ပူးပေါင်းရင်းမြစ်များ

Bl 31:38

Lăng deh đei 'bar-jĭt sơnăm boih inh oei hơdai lăm hnam ih, triu, bơbe, ih hăm huach păng inh ưh tam layơ sa 'nhĕm bơbe dah triu tơno 'mơ̆i.

Bl 33:13

Jakôp tơl: Ơ 'nhŏng, Ih băt boih kơ lu hơ'lơ̆p oei 'lơ̆p dêh; păng oh oei chă chơng lăng lu triu păng rơmo yŏng mă kon sư oei mŏm; tơdah bơ̆n yak năm dơ̆ng pă minh năr lei kơnh hli kơ lu sư lôch đĭ.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 23:22

Mă-lei tơdah lu sư đơ̆ng lăm khŭl Inh, lei lu sư kư̆m roi boih nơ̆r Inh kơ lu kon pơlei pơla Inh, pơm ăn kơ kon pơlei Inh weh đơ̆ng trong kơnê̆, đơ̆ng tơdrong pơm kư̆ kă.”

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 34:21

Lu iĕm yua kơiĕng păng hơngiĕng na tŭn, iŏk hơke tơ̆m lu triu tơrăn dĭng mah lu sư jing tơklah tơklang.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Yo 10:1

Yêsu oei pơma kơ lu sư thoi âu: “Inh khan kơ iĕm tơpăt tơpă, bơngai bu mơ̆t tơ hơdrong triu mă ưh kơ mơ̆t trong 'măng tơm, na hao trong war, bơngai 'noh sư chă tơtông.