Rom 8:38 - Sơ̆p Hlabơar Nơ̆r 'Bok Kei-Dei

³⁸ Na dang ei inh băt tơpă boih, mă đei tơdrong kiơ kiơ truh kơ bơ̆n, 'Bok Kei-Dei Sư oei 'mêm kơ bơ̆n hơnơ̆ng đĕch, yua kơ bơ̆n băt kơ Kră Yang bơ̆n Yêsu Krist 'mêm kơ bơ̆n tơgŭm bơ̆n lăm tôm tơdrong. Mă bơ̆n lôch, mă bơ̆n oei arih, 'Bok Kei-Dei Sư 'mêm kơ bơ̆n ling-lang tơpă. Na mă linh jang, mă yang kơnê̆, mă yang kiơ wă tơgar iŏk bơ̆n đơ̆ng 'Bok Kei-Dei 'mêm kơ bơ̆n ưh kơ kĕ ôh. Mă tơdrong truh kơ bơ̆n kơnh pơgê, dah layơ Sư ưh kơ lê̆ ôh, Sư wei-lăng lu bơ̆n tơpă.

Rom 8:38 ပူးပေါင်းရင်းမြစ်များ

Yo 10:28

Inh ăn kơ triu Inh arih ling-lang, sư ưh kơ layơ lôch răm ôh. Ưh kơ đei bu kĕ tơgar iŏk sư đơ̆ng ti Inh.

Rom 14:7

Bĭ tơdrong Sư ăn kơ bơ̆n arih, ưh kơ sĭ Sư ăn kơ bơ̆n arih wă pơyua akâu bơ̆n arih hiôk jơnap ôh. Tơdrong lôch kư̆m lei-lăi, ưh kơ sĭ Sư ăn kơ bơ̆n lôch wă pơyua akâu bơ̆n ôh.

Rom 14:8

Bơ̆n arih wă pơyua Kră Yang, bơ̆n lôch kư̆m lei-lăi thoi noh. Mă arih, mă lôch gô mơ̆ng kơ Sư đĕch ưh kơ gơh pơyua akâu bơ̆n ôh.

Rom 4:21

Sư băt tơpă 'Bok Kei-Dei gô pơm 'blep thoi Sư pơkă wă ăn kơ sư.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

II Kor 11:14

Lu bơngai noh iĕm 'nĕ lăng hlĭch tơdrong kiơ, lu sư trŏ kơ khŭl yang Satan 'mơ̆i. Yang Satan phŏ sư kư̆m pơm thoi linh jang 'lơ̆ng.

II Kor 4:13

Nhôn kư̆m đei đon lui thoi 'bok mă chih lăm sơ̆p hla bơar 'Bok Kei-Dei sơ̆ sư khan thoi âu: “Yua kơ inh lui boih, thoi noh na inh pơma.” Na nhôn kư̆m lei-lăi, yua kơ nhôn lui na nhôn pơma bơtho đe.

Êphêsô 1:21

na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.