Rom 6:14 - Sơ̆p Hlabơar Nơ̆r 'Bok Kei-Dei

¹⁴ Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Rom 6:14 ပူးပေါင်းရင်းမြစ်များ

Lêwi 25:41

Kơplah noh sư gô tơklah đơ̆ng hnam ih, sư păng hơ'lơ̆p sư wih tơ hnam sư. Gô iŏk chŭn mir yă 'bok sư kơdih.

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Mathiơ 1:21

Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 8:36

Thoi noh na dah Kon Sư ăn iĕm rơngei, na iĕm gô rơngei tơpă.

Rom 11:6

Sư rơih iŏk yua kơ Sư mơnat, ưh kơ sĭ yua kơ lu bơngai noh kĕ kiơ̆ tôm tơdrong juăt Sư pơkă ôh. Tơ̆ng Sư rơih iŏk lu bơngai noh kĕ kiơ̆ tôm tơdrong juăt Sư pơkă, lei thoi yơ 'Bok Kei-Dei khan Sư rơih iŏk yua kơ Sư mơnat đĕch?

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Rom 5:17

Sơ̆ yua kơ minh 'nu bơngai pơm yoch, na kon bơngai lôch ngăl, mă-lei dang ei bơ̆n đei minh 'nu bơngai nai anăn Sư Yêsu Krist, Sư dŏng bơ̆n tơpă. Bu gơnang kơ Sư, 'Bok Kei-Dei mơnat kơ bơngai noh, jô̆ bơngai noh jing bơngai 'lơ̆ng boih, na Yêsu ăn kơ sư noh arih hiôk-hian ling-lang.

Rom 5:18

Yua kơ minh 'nu bơngai yoch na 'Bok Kei-Dei jô̆ đĭ-đăng bơngai yoch; na dang ei kư̆m lei-lăi thoi noh mơ̆n, đei minh 'nu bơngai pơm 'lơ̆ng boih na 'Bok Kei-Dei ăn kơ đĭ-đăng kon bơngai bơ̆n jing bơngai rơngei wă kơ bơ̆n arih ling-lang.

Rom 6:12

Akâu bơ̆n juăt kơ pơm yoch, bơ̆n athei gơ̆t 'nĕ pă ăn pơm yoch dơ̆ng. Ning-mônh akâu kon bơngai bơ̆n gô tơ'bơ̆p tơdrong lôch.

Rom 6:15

Dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, lei bơ̆n hơđơ̆ng tơpă, bơ̆n gô mơ̆ng kơ 'Bok Kei-Dei tơgŭm bơ̆n. Mă-lei bơ̆n 'nĕ tơchĕng khan dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, khan bơ̆n gơh pơm yoch. Ưh ôh.

Rom 8:12

Ơ 'nhŏng oh, yua kơ thoi noh na bơ̆n athei kiơ̆ tơdrong Yang Bơhngol 'Lơ̆ng, 'nĕ pă gơnang kơ akâu bơ̆n kơdih dơ̆ng.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Galati 3:23

Hơdrol kơ Yêsu Krist jur tơ ala teh âu sơ̆, đĭ-đăng kon bơngai bơ̆n ưh kơ kĕ kiơ̆ tơdrong juăt 'Bok Kei-Dei ôh, na kon bơngai bơ̆n trŏ kơ 'Bok Kei-Dei wă phak tơpă păng bơ̆n dang lĕ đe tah lăm hnam phak. Mă-lei lăp Yêsu Krist jur tơ ala teh âu sơ̆ bơ̆n klaih đĭ đơ̆ng tôm tơdrong yoch, yua kơ bơ̆n lui kơ Sư.

Galati 4:21

Iĕm khan wă kiơ̆ tôm tơdrong juăt Môis tơpă, na dang ei inh wă kơ iĕm đŏk lăng tôm kơ hla bơar tơdrong juăt Môis bĕ, wă kơ iĕm hlôh.

Galati 5:18

Dah iĕm ăn Yang Bơhngol 'Lơ̆ng pơgơ̆r iĕm, lei iĕm ưh pă gơnang kơ akâu iĕm kơdih pơm kiơ̆ tơdrong juăt Môis ôh.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.