Rom 2:28 - Sơ̆p Hlabơar Nơ̆r 'Bok Kei-Dei

²⁸ Mă sư bơngai Juđê, dah sư ưh kơ kiơ̆ tơdrong juăt 'Bok Kei-Dei pơkă, 'Bok Kei-Dei kư̆m ưh kơ jô̆ sư bơngai Juđê ôh. Mă sư kăt tơdra akar, dah sư ưh kơ kiơ̆ tơdrong juăt 'Bok Kei-Dei pơkă, 'Bok Kei-Dei lăng tơdrong sư kăt akar noh ưh kơ yua kiơ ôh.

Rom 2:28 ပူးပေါင်းရင်းမြစ်များ

Horiso 73:1

Kră Yang 'Bok Kei-Dei pơm 'lơ̆ng tơpă kơ lu bơngai Isơrael. Lu bơngai mă đei jơhngơ̆m 'lơ̆ng rơgoh.

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 9:25

Kră Yang khan: “'Nâu năr gô truh, Inh wă phak lu bơngai kăt tơdra akar, gah sĕch akar đĕch.

Je 9:26

Lu bơngai drŏ-nglo Êyiptơ, bơngai Juđa, bơngai Eđôm, lu bơngai Ammôn, bơngai Môap păng đĭ-đăng lu bơngai oei lăm char glă hơkôih kơ̆l 'ngôch sơ'ngon, yua kơ lu kon pơlei noh hăm đĭ-đăng lu adrĕch Isơrael ưh tam mă kăt tơdra akar lăm jơhngơ̆m lu sư.”

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Rom 2:17

Lu iĕm bơngai Juđê mơ'nah oei pơang bơngai Juđê iĕm, khan iĕm kiơ̆ tơdrong juăt 'Bok Kei-Dei pơkă sơ̆ na khan 'Bok Kei-Dei wei-lăng iĕm ling-lang.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Êphêsô 2:11

Lu iĕm adrĕch adrung bơngai nai păng ưh kơ băt kiơ̆ tơdrong 'Bok Kei-Dei; na lu bơngai Juđê nhôn pơjăm iĕm khan bơngai ưh kơ băt kăt tơdra akar, mă-lei tơdrong lu nhôn kăt tơdra akar noh kư̆m ưh kơ yua kiơ ôh, yua kơ ti pơm tơ 'ngoaih đĕch.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.