Rom 14:20 - Sơ̆p Hlabơar Nơ̆r 'Bok Kei-Dei

²⁰ Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

Rom 14:20 ပူးပေါင်းရင်းမြစ်များ

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Mathiơ 18:6

Bơngai bu pơtuah lu bơngai hơ'lơ̆p mă lui kơ Inh 'lơ̆ng hloh đe jah chô̆ ako sư hăm tơpăl tơmo tih, hơtat lê̆ sư tơ klŏng đak dơsĭ, lei sư hiôk 'biơ̆ yua kơ sư huay kơ gơh pơtuah lu hơ'lơ̆p.

Jang 10:15

Na Pêtrôs kơtơ̆ng dơ̆ng thoi âu: “Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.”

Rom 14:2

Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.