Rom 14:14 - Sơ̆p Hlabơar Nơ̆r 'Bok Kei-Dei

¹⁴ Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:14 ပူးပေါင်းရင်းမြစ်များ

Markôs 7:2

Lăp lu sư akŭm, na lu sư 'bôh 'bar pêng 'nu bơngai pơhrăm păng Yêsu sŏng sa ti ưh kơ rơgoh yua kơ lu sư ưh kơ ôp ti kiơ̆ thoi tơdrong juăt lu bơngai Pharisi pơkă.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Rom 14:2

Pơtih gia minh 'nu bơngai lui, sư hlôh boih tơdrong 'Bok Kei-Dei na sư gơh sa tôm tơdrong tơmam sa. Minh 'nu bơngai lui nai ưh tam mă hlôh, sư sŏng sa mơh 'nhot đĕch, ưh kơ sa 'nhĕm.

Rom 14:20

Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

Rom 14:23

Mă tơdrong sa, mă tơdrong kiơ kiơ noh nai bơ̆n tơchĕng khan băt giĕng băt ưh, mă-lei bơ̆n kư̆ kơ pơm, noh bơ̆n yoch boih yua kơ bơ̆n ưh kơ kiơ̆ kơ đon lui bơ̆n.

I Kor 10:25

Tơdah iĕm năm tơ kơchơ wă răt 'nhĕm sa, iĕm 'nĕ apinh bơngai mă tĕch 'nhĕm 'noh: “'Nhĕm ih hăm sơmah ưh?” Iĕm kư̆ kơ răt đĕch,

I Kor 8:10

Dah iĕm kiơ̆ đe năm sa et tơmam tơ hnam đe sơmah kơ yang, lei inh hli kơ lu bôl bơ̆n mă 'nao lui sư tơchĕng kơ rup yang hli kơ sư khan yang tơpă, mưh sư 'bôh iĕm năm sa et, hli kơ sư 'maih kiơ̆ iĕm năm sa et tơmam đe sơmah 'noh mơ̆n.

I Kor 8:7

Bơ̆n băt kơ rup yang ưh kơ yang tơpă ôh, mă-lei ưh kơ sĭ đĭ-đăng kơ bơngai lui ôh băt. Đei lu bơngai mơ'nah sư ưh kơ băt; hơtai sư tam mă lui sơ̆ sư kơkuh kơ rup yang, sư tơchĕng khan 'noh yang tơpă. Na dang ei sư lui kơ Yêsu Krist boih, dah sư sa 'bơm tơmam đe sơmah, jơhngơ̆m sư hli yua kơ sư juăt juăi tơdrong lui sư thoi noh boih; sư tơchĕng đe sơmah kơ yang tơpă, dah sư sa, sư khan sư pơm yoch boih.

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.