Phil 1:17 - Sơ̆p Hlabơar Nơ̆r 'Bok Kei-Dei

¹⁷ Inh buăl ih kư̆m jang tơdrong 'Bok Kei-Dei mơ̆n na dang ei inh wă kơ ih sơng iŏk Ônêsim hŏ, 'noh kư̆m thoi ih sơng iŏk inh mơ̆n.

Phil 1:17 ပူးပေါင်းရင်းမြစ်များ

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Mathiơ 18:5

Bơngai bu sơng iŏk bơngai 'lơ̆p âu yua kơ bơngai 'lơ̆p âu lui kơ Inh, bơngai noh dang sơng iŏk Inh.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

II Kor 8:23

Âu roi gah Tĭt iĕm băt boih, sư 'nhŏng oh bơ̆n jang hơdai hăm inh đơ̆ng sơ̆ boih; na dang ei sư wă tơgŭm wei-lăng iĕm dơ̆ng. Gah 'bar 'nu 'nhŏng oh mă kiơ̆ sư, noh đơ̆ng lu bơngai lui rim hnam 'Bok Kei-Dei rơih bre sư jang tang lu sư, bre sư bơngai pơư pơang anăn Kră Yang Yêsu Krist.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

I Tim 6:2

Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

Phil 1:10

Inh apinh ih gah Ônêsim. Sư pơm kon inh boih kơlih kơ sư lui kơ Kră Yang Yêsu Krist đơ̆ng inh bơtho oei lăm hnam phak.

Phil 1:12

Dang ei inh athei sư wih tơ ih dơ̆ng, mă-lei inh 'mêm kơ sư tơpă.

Phil 1:18

Dah sư 'mơn iŏk tơmam ih, dah sư hre kơ ih tơmam kiơ, ih 'nĕ jô̆ kơ sư hŏ. Ih jô̆ tơdrong sư 'noh kơ inh đĕch.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.