Nhom 5:6 - Sơ̆p Hlabơar Nơ̆r 'Bok Kei-Dei

⁶ Lu nhôn chro ti tơ lu bơngai Êyiptơ, păng bơngai Asiri, wă kơ đei tơmam sŏng sa phĭ mah.

Nhom 5:6 ပူးပေါင်းရင်းမြစ်များ

Bl 24:2

Abraham khan hăm đĭch sưa bơngai mă oei lăm hnam sư, đam âu bơngai jang wei-lăng mŭk tơmam sư khan thoi âu; “apinh dan bĕ ti ih 'bơ̆t blu inh.

II Pot 10:15

Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Je 2:36

Liơ lu iĕm tơplih trong lu iĕm 'bônh dêh? Lu bơngai Êyiptơ pơm kơ iĕm mơlâu kư̆m thoi lu bơngai Asiri pơm kơ iĕm sơ̆.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 17:18

Ih hŭt lê̆ nơ̆r pơkă, pơrăm lê̆ tơdrong pơgơ̆p âu, ih đei pơm dôm tơdrong 'nâu lei na sư ưh kơ gơh klaih.

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.