Nhom 5:18 - Sơ̆p Hlabơar Nơ̆r 'Bok Kei-Dei

¹⁸ Yua kơ kông Siôn jing juơ rơhiăng, Kŏ bri yak rok noh.

Nhom 5:18 ပူးပေါင်းရင်းမြစ်များ

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

Ne 4:3

Tôbia, bơngai Ammôn, oei dơ̆ng 'bơ̆t cheng sư khan: Dur mă lu sư man păng tơmo thoi noh tơdah đei mơja tŏk hao kư̆m păk pơchah đĭ.

Horiso 63:10

Lu sư noh gô jao kơ đe koh sư hăm đao gưm wă pơm 'nhĕm ăn kơ kŏ bri sa.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 44:2

Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Êsêkiên 13:4

Ơ bơngai Isơrael, lu 'bok khan lê̆ adrol iĕm ưh kơ yua kơ kiơ nhen thoi mơja oei lăm anih pơchah pơchek.

Da 9:17

Thoi noh dang ei ơ Kră Yang 'Bok Kei-Dei lu nhôn, apinh mơ̆ng bĕ, nơ̆r lu đĭch đam Ih krao apinh, yua kơ Ih, apinh pơdah bĕ muh măt Ih tơ anih rơgoh mă Ih đĭ juơ boih.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!