Nhom 5:16 - Sơ̆p Hlabơar Nơ̆r 'Bok Kei-Dei

¹⁶ Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Nhom 5:16 ပူးပေါင်းရင်းမြစ်များ

Jop 19:9

Sư plôh lê̆ tơdrong đe pơư kơ inh păng plôh iŏk môk pơtao đơ̆ng kơ̆l inh.

Horiso 89:39

Ih lăng krưp dêh boih kơ tơdrong pơgơ̆p hăm lu đĭch đam Ih. Ih hŭt lê̆ boih môk pơtao tơ teh rơpŭk 'mê̆-'mach.

Tơdrông Pơđơk 14:34

Tơdrong 'lơ̆ng tơpăt băt tơiung dêh char. Mă-lei đei tơdrong kiơ yoch pơm kơ adrĕch adrung mơlâu.

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Êsai 3:8

Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 4:18

“Tơdrong iĕm oei arih sa păng iĕm đei pơm; ba tơdrong noh. 'Nâu đei truh kơ ih pơmat tơpă. Đơ̆ng tơdrong yoch kơnê̆ ih pơm! Tơdrong noh 'bet jĭ jơhngơ̆m iĕm.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsêkiên 21:26

Kră Yang khan thoi âu: Yaih bĕ nhiêu đơ̆ng kơ̆l, plôh bĕ môk pơtao, tơdrong dang ei ưh pă thoi sơ̆ boih! Bơngai kơđeh hơtŏk bĕ tơ kơjung, bơngai kơjung tơjur bĕ tơ ala.

Mi 6:13

Yua kơ thoi noh na Inh teh pơjĭ iĕm pơrăm iĕm yua kơ tơdrong yoch lu iĕm.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.