Nhom 4:4 - Sơ̆p Hlabơar Nơ̆r 'Bok Kei-Dei

⁴ Kon 'nao cheh rơhing dêh, hơpiĕt lu sư klep kơ păk-'ngơk. Lu hơ'lơ̆p apinh 'bĕng ưh kơ đei phĕ ăn.

Nhom 4:4 ပူးပေါင်းရင်းမြစ်များ

II Pot 18:27

Mă-lei Rapsaka tơl khan: “Hăm trŏ kơ yŏng tơ'ngla inh wơh inh năm tơ âu wă pơma hăm yŏng tơ'ngla iĕm păng hăm iĕm đĕch, na ưh kơ pơma hăm lu bơngai mă oei dơ̆ng kơpal dur lu bơngai mă gô sa ĭch nhă đak hơyô kơdih thoi lu iĕm noh hă?”

II Pot 25:3

Năr tơsĭn, khei puăn, lăm pơlei đei pơngot rơwĕt tih, kon pơlei ưh kơ đei tơmam sa.

Horiso 137:6

Ăn kơ hơpiĕt inh klep tơ păk-'ngơk. Tơdah inh ưh kơ 'blŏk kơ ih, Tơdah inh ưh kơ wă Jêrusalem pơm tơdrong chơt hiôk dêh kơ inh;

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Nhom 1:11

Đĭ kon pơlei chă tơmam sa păng tơtok rah; Tơplih đĭ tơdrong chơt hiôk iŏk tơmam sa, wă kơ chhơp hiôk lăm jơhngơ̆m sư kơdih. Ơ Kră Yang, apinh Ih 'blŏk kơ inh, yua kơ inh jing bơngai pă rơ-a boih;

Luka 10:11

‘'Bruih pơlei iĕm mă đom tơ jơ̆ng nhôn, nhôn sơpuih đĭ boih. 'Noh wă tơbăt kơ iĕm 'Bok Kei-Dei wă phak iĕm. Nhôn wă tơbăt kơ iĕm tơdrong 'Bok Kei-Dei wă pơgơ̆r iĕm ră mă-lei iĕm pơm ưh kơ chu.’

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.