Nhom 4:16 - Sơ̆p Hlabơar Nơ̆r 'Bok Kei-Dei

¹⁶ Tơdrong hil blĕk Kră Yang pơm ăn kơ lu sư tơklah tơklang, sư ưh pă hue lăng dơ̆ng. Lu sư ưh pă pơyom kơ 'bok soi, Kŭm pă đei hli yom kơ bơngai kră.

Nhom 4:16 ပူးပေါင်းရင်းမြစ်များ

Bl 49:7

Trŏ kơ hiap tơpă mưh lu sư hil yua kơ tơdrong noh 'mê̆ brư̆ tơpă. Inh gô pơm kơ lu sư tơklah tơklang đơ̆ng lăm adrĕch Jakôp. Tơklah lê̆ lu sư đơ̆ng lăm kon pơlei Isơrael.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Horiso 106:27

Pơm kơ adrĕch adrung lu sư kơdâu tơklah băl tơ jơ̆p-jang kơ teh đak, Păng pơm ăn kơ lu sư tơklah tơklang jơ̆p kơ dêh char.”

Horiso 106:44

Mă-lei ră, mưh kơtơ̆ng nơ̆r lu sư krao apinh, Sư kư̆m lăng ba lu sư lăm năr pơmat-tat.

Êsai 24:2

'Bok soi kư̆m thoi kon pơlei, yŏng tơ'ngla jing thoi đam sư, yă yŏng tơ'ngla kư̆m thoi đam drŏ-kăn sư, bơngai tĕch kư̆m thoi bơngai răt, bơngai ăn mưng kư̆m thoi bơngai iŏk mưng, bơngai đe hre kư̆m thoi bơngai oei hre.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 52:24

Yŏng linh gak pơtao rôp Sêraia 'bok soi tơm, Sephania 'bok soi mă 'bar păng pêng 'nu yŏng wei 'măng jang hnam kơ Kră Yang.

Nhom 2:20

Ơ Kră Yang, apinh Ih lăng lăng! Ih tam đei pơm kơ bu thoi noh? Drŏ-kăn hăm trŏ kơ sư plei đơ̆ng lăm klak sư kơdih, wă khan lu kon hơ'lơ̆p mă oei pôk lăm ti sư hă? Bơngai khan lê̆ adrol hăm 'bok soi, hăm trŏ đe pơlôch lăm anih Kră Yang?

Nhom 2:6

Sư hơ'nglơh lê̆ pơk sư, thoi pơk lăm pơgar, Kŭm đei pơrăm anih lu sư juăt kơ akŭm. Tơ Siôn, Kră Yang pơm ăn kơ lu sư hiơt đĭ kơ năr akŭm tih păng năr Sa'bat.

Nhom 5:12

Đe chô̆ atol yŏng lu nhôn, Ưh pă pơyom boih kơ lu kră.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 32:26

Inh khan: Inh gô pơm kơ lu sư tơklah tơklang, sŭt pơgoh lê̆ tơdrong đe 'blŏk hơdơ̆r kơ lu sư đơ̆ng lăm kon bơngai.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.