Nhom 4:11 - Sơ̆p Hlabơar Nơ̆r 'Bok Kei-Dei

¹¹ Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Nhom 4:11 ပူးပေါင်းရင်းမြစ်များ

Êsai 51:20

Lu kon pơlei ih lôch hơngơ̆t bơih, lu sư 'bĭch tơ rim mum trong pơlei. Nhen thoi kon juei hrơ̆p lăm hơnhuăl. Nhen thoi 'bĕnh hăm tơdrong Kră Yang hil mĭl păng tơdrong Kră Yang 'Bok Kei-Dei chrih.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Nhom 2:3

Lăm năr Sư hil, Sư ret đĭ hơke Isơrael Sư dui lê̆ ti 'ma Sư boih 'bơ̆t anăp lu ayăt.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Nhom 2:8

Kră Yang đei pơkă wă pơrăm dur kon adruh Siôn, Sư dăng boih tơlei hơgăt, Sư ưh tam mă đei layơ pơdơh ti pơrăm đe noh, Sư pơm dur wă pĕng păng dur pơlei nhơ̆m hmoi.

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 36:18

Na Inh tuh tơdrong hil mĭl tơ lu sư, yua kơ lu sư pơm tuh pham pơlôch đe păng yua kơ đơ̆ng lu sư kơkuh kơ rup yang pơm pơ'mê̆ kơ teh đak.

Êsêkiên 6:12

Lu bơngai oei ataih gô lôch kơ jĭ hơbuh. Lu bơngai oei jê̆ gô pơ̆k răm kơ đao, lu bơngai oei arih, gô lôch kơ pơngot rơwĕt Thoi noh Inh gô ăn truh tơdrong Inh hil mĭl kơ lu sư.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Jêphania 2:2

Adrol kơ năr đei pơkă boih wă truh, adrol kơ năr noh truh thoi hơkam 'ba kial pơđông, adrol kơ tơdrong Kră Yang hil mĭl truh tơ lu iĕm, adrol kơ jơ 'năr Kră Yang hil truh tơ lu iĕm.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.