Nhom 4:10 - Sơ̆p Hlabơar Nơ̆r 'Bok Kei-Dei

¹⁰ Lu drŏ-kăn oei đei jơhngơ̆m mơnat, kư̆m hơtŭk sa lu kon sư kơdih. Pơm tơmam sa 'bơ̆t năr kon adruh pơlei sư đe pơrăm.

Nhom 4:10 ပူးပေါင်းရင်းမြစ်များ

II Pot 25:3

Năr tơsĭn, khei puăn, lăm pơlei đei pơngot rơwĕt tih, kon pơlei ưh kơ đei tơmam sa.

Êsai 22:2

Ơ pơlei ôr tơkĕch, ơ-ôs ơ-as, pơlei mă chơt hiôk, pơm kư̆ kă lu khŭl iĕm lôch ưh trŏ kơ lôch yua kơ đao gưm kư̆m ưh kơ trŏ lôch yua kơ tơblah.

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Je 19:9

Inh gô ăn kơ lu sư 'buh sa lu kon drŏ-nglo kon drŏ-kăn lu sư kơdih, lu sư gô 'buh sa băl tơduă, lăm năr đe wang lăm năr pơmat-tat, kơplah 'bơ̆t lu bơngai mă wă pơrăm tơdrong arih lu sư.’

Nhom 2:11

Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.

Nhom 2:20

Ơ Kră Yang, apinh Ih lăng lăng! Ih tam đei pơm kơ bu thoi noh? Drŏ-kăn hăm trŏ kơ sư plei đơ̆ng lăm klak sư kơdih, wă khan lu kon hơ'lơ̆p mă oei pôk lăm ti sư hă? Bơngai khan lê̆ adrol hăm 'bok soi, hăm trŏ đe pơlôch lăm anih Kră Yang?

Nhom 3:48

Đak măt inh lĕch ro thoi đak, yua kơ kon adruh inh đe pơlôch.

Nhom 4:3

Lu kŏ bri oei ăn toh lu sư kơ kon lu sư mŏm; Mă-lei kon adruh pơlei inh jing kơnê̆ thoi sem klang tơ char 'blach.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Lêwi 26:29

Lu iĕm gô sa 'nhĕm lu kon drŏ-nglo lu iĕm păng kon drŏ-kăn lu iĕm.