Nhom 3:23 - Sơ̆p Hlabơar Nơ̆r 'Bok Kei-Dei

²³ Rim pơgê jing 'nao plơ̆ng, tơdrong pơmat Sư tih tơpă.

Nhom 3:23 ပူးပေါင်းရင်းမြစ်များ

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Horiso 89:33

Mă-lei inh ưh kơ đei lê̆ ôh tơdrong 'mêm kơ lu sư. Păng inh kư̆m ưh kơ lê̆ mơ̆n pơm 'lơ̆ng tơpăt hăm sư.

Horiso 36:5

Ơ Kră Yang, tơdrong 'mêm Ih kơjung tĭk kơ plĕnh Tơdrong tơpăt ih truh tơ hơmơ̆l kok.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Horiso 146:6

Sư boih Tơ'ngla pơjing kơ plĕnh teh, đak dơsĭ păng đĭ-đăng tơmam arih lăm noh; Kră Yang wei jơhngơ̆m tơpăt ling-lang;

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Horiso 36:6

Tơdrong 'lơ̆ng tơpăt Ih nhen thoi kông tih.a Tơdrong Ih sek tơlang tơpăt thoi sơlŭng jrŭ. Ơ Kră Yang, Ih wei rongb kon bơngai păng sem brem.