Nhom 2:7 - Sơ̆p Hlabơar Nơ̆r 'Bok Kei-Dei

⁷ Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Nhom 2:7 ပူးပေါင်းရင်းမြစ်များ

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Horiso 89:39

Ih lăng krưp dêh boih kơ tơdrong pơgơ̆p hăm lu đĭch đam Ih. Ih hŭt lê̆ boih môk pơtao tơ teh rơpŭk 'mê̆-'mach.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Je 21:4

‘'Nâu nơ̆r Kră Yang 'Bok Kei-Dei lu bơngai Isơrael khan: Âu Inh gô tơwih plơ̆, dôm lu đao kơtuang iĕm oei chĕp lăm ti wă blah puh pơtao Babilôn păng bơngai Kalđê dang ei oei wang tăp tơ đaih kơ dur pơlei, Inh gô akŭm lu sư lăm tŏk-bŏk pơlei tih âu.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Je 4:26

Inh 'bôh mir chŭn teh mơ̆r jing char glă. Đĭ-đăng pơlei jing rơ̆m rĕk. 'Bơ̆t anăp Kră Yang đơ̆ng tơdrong Sư hil mĭl.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Mathiơ 24:2

Na Yêsu khan kơ lu sư: “Iĕm 'bôh boih hnam akŭm âu 'lơ̆ng rŏ, Inh khan kơ iĕm tơpă, ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”