Nhom 2:22 - Sơ̆p Hlabơar Nơ̆r 'Bok Kei-Dei

²² Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Nhom 2:22 ပူးပေါင်းရင်းမြစ်များ

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Horiso 31:13

Inh kơtơ̆ng boih lơ nơ̆r lu sư chă pơm tơdrong.e Hli krưp tăp kơ inh. Thoi lu sư pơđâu wă blah inh, Wă tơhiong lê̆ tơdrong arih inh.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 20:3

Pơgê năr đơ̆ng rŏng Phashur plôh Jêrêmi đơ̆ng sư hơnuh, Jêrêmi khan kơ sư: “Kră Yang ưh pă krao ih Phashur dơ̆ng, gô krao anăn ih Magor Misabip.a

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 44:7

Dang ei, 'nâu nơ̆r Kră Yang Tih Hloh, 'Bok Kei-Dei Isơrael, khan: “Liơ lu iĕm pơm wă pơrăm chăl arih akâu kơdih, wă tơhiong đĭ-đăng lu drŏ-nglo, drŏ-kăn, hơ'lơ̆p, nge oei mŏm, đơ̆ng lăm dêh Juđa, dĭng mah kon pơlei goh 'biao pă đei bu oei arih?

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Both 28:18

Đe gô hiap iĕm ưh kơ đei kon hơ'lơ̆p lăm chŭn mir iĕm ưh kơ đei hơnik hơnam rơmo triu bơbe iĕm ưh kơ tuh kon.