Nhom 2:2 - Sơ̆p Hlabơar Nơ̆r 'Bok Kei-Dei

² Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Nhom 2:2 ပူးပေါင်းရင်းမြစ်များ

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Horiso 74:7

Lu sư soh lê̆ anih 'Lơ̆ng rơgoh Ih truh tơ teh, lu sư pơm pơ'mê̆ kơ anih Anăn Ih.

Êsai 22:5

Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 25:12

Kră Yang gô pơrăm lê̆ dur man kơjung kơjăp noh, hơlih đĭ tơ ala, bơlih tơhuŏng lê̆ tơ teh, lăm 'mui teh.

Êsai 26:5

Sư tơjur lê̆ lu bơngai oei tơ kơpal, teh pơchah lê̆ bơih pơlei tih kơjăp, tơjur lê̆ lu bơngai pơang truh tơ teh, huŏng lăm 'mui teh.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Nhom 2:21

Lu kon hơ'lơ̆p păng lu kră 'bĭch sơ̆k tơ teh rok trong lăm pơlei tih. Lu adruh 'lơ̆p păng tơdăm 'lơ̆p inh pơ̆k lôch kơ đao gưm. Lăm năr Ih hil, Ih pơlôch lu sư boih, Ih pơlôch pă đei mơnat.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Nhom 3:43

Ih gom akâu hăm tơdrong blĕk păng druh pơlôch goh lu nhôn, ưh pă đei mơnat.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 7:4

Măt Inh ưh pă lăng 'mêm mơnat kơ ih păng ưh pă đei dŏng ih; Inh gô phak ih tơpă yua kơ lu tơdrong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang.

Êsêkiên 7:9

Măt Inh ưh pă lăng mơnat kơ ih, Inh kư̆m ưh pă dŏng ih, Inh gô phak kiơ̆ kơ trong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang Tơ'ngla mă đei phak ih.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Mi 5:14

Inh gô iung kơting, hil areh păng Inh gô pơm 'mong kơ teh đak mă ưh kơ chu kiơ̆ nơ̆r Inh.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”

Mathiơ 18:33

na lơliơ ih ưh kơ băt mơnat kơ bôl ih thoi inh mơnat kơ ih?’

II Kor 10:4

Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.