Nhom 2:1 - Sơ̆p Hlabơar Nơ̆r 'Bok Kei-Dei

¹ Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Nhom 2:1 ပူးပေါင်းရင်းမြစ်များ

II Sam 1:19

Ơ bơngai mă iĕm ư-ang, ơ Isơrael Đĭ lôch hiong lăm kông kŏ! Ôi lu bơngai nuih kơtang 'nâu lôch boih.

I Ho 28:2

Pơtao Đawit iung pơma khan: “Ơ lu 'nhŏng oh păng kon pơlei inh, mơ̆ng bĕ inh! Inh đei đon tơchĕng pơm minh pôm hnam Hom Pơgơ̆p Kră Yang, anih Kră Yang 'Bok Kei-Dei sư dan jơ̆ng, inh chă đon hơmet lê̆ tơmam tôm boih wă pơm.

Horiso 132:7

Bĕ bơ̆n năm tơ anih Sư oei. Hăm drap kơkuh 'bơ̆t jơ̆ng Sư.

Horiso 89:45

Pơm kơ sơnăm hơmuh hơmŏng sư jing djăl. Păng gom lê̆ sư hăm tơdrong mơlâu. Sêla

Horiso 99:5

Athei pôk pơư Kră Yang 'Bok Kei-Dei lu bơ̆n Păng drap kơkuh 'bơ̆t jơ̆ng Sư; Sư boih 'lơ̆ng rơgoh!

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Nhom 4:1

Ô! Maih hiong boih rang sư, maih se tơplih boih. Tơmo tơ anih rơgoh pơchah đĭ tơ âu tơ to tơ rim mum trong pơlei tih!

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Êsêkiên 13:13

Na Kră Yang Tih Hloh khan: “Lăm tơdrong Inh hil Inh gô ăn kial hơbŭt truh, lăm tơdrong Inh mĭl Inh gô ăn 'mi tih đak lơ̆p păng 'mi prĕl gô pơrăm.

Êsêkiên 19:12

Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 30:18

Tơ pơlei Tahpanhes, kơ'năr đei măng mu kơplah Inh gô pơrăm lê̆ 'long ăt char Êyiptơ; tơ noh jơhngơ̆m pran pơang lu sư gô pơrăm đĭ pă đei. Hơmơ̆l găm gô klơ̆p gom char noh, lu kon pơlei sư gô pơm bơnă.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

Luka 10:18

Na Yêsu khan kơ lu sư: “Trŏ boih, Inh 'bôh yang Satan, yŏng yang kơnê̆, huŏng đơ̆ng plĕnh hrĕnh dang kơmlat.

I Sam 4:21

Sư anăn kơ kon hơ'lơ̆p sư noh Ikabôt,a wă khan: Tơdrong ư-ang Kră Yang 'Bok Kei-Dei đĭ weh jăk đơ̆ng bơngai Isơrael; Sư pơma noh wă khan gah Hom Pơgơ̆p Kră Yang 'Bok Kei-Dei đe blah iŏk, hăm tơnei păng klo sư lôch.

I Sam 4:22

Sư pơma dơ̆ng: Tơpă, tơdrong ư-ang Kră Yang đe Isơrael đĭ weh boih đơ̆ng bơngai Isơrael yua kơ Hom Pơgơ̆p Kră Yang 'Bok Kei-Dei đe đĭ blah iŏk bơih.