Nhom 1:8 - Sơ̆p Hlabơar Nơ̆r 'Bok Kei-Dei

⁸ Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Nhom 1:8 ပူးပေါင်းရင်းမြစ်များ

Bl 3:7

Đơ̆ng noh na măt măr sư lar, băt kơdih tơlŭnh akâu hoh, na năm gơ̆ hla 'long hơra sĭt pĕng akâu.

I Pot 9:6

Mă-lei tơdah ih păng lu kon sâu ih weh tơklah đơ̆ng Inh ưh kơ wă wei răk khôi juăt păng dôm nơ̆r Inh tơtă ăn kơ lu iĕm, na bơ̆jang păng kơkuh kơ rup yang nai,

I Pot 9:7

lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.

I Pot 9:9

Đe gô khan: 'Noh yua kơ lu sư weh tơklah đơ̆ng Kră Yang 'Bok Kei-Dei lu sư, Tơ'ngla tơlĕch lu yă 'bok sư đơ̆ng char Êyiptơ, lu sư kiơ̆ yang nai, bơ̆jang păng kơkuh kơ yang 'noh, yua kơ thoi 'noh bơih na Kră Yang ăn kơ lu sư tơdrong truh răm thoi âu.”

Êsai 47:3

Akâu hoh ih gô pơdah tơ 'nguaih Tơdrong mơlâu ih gô 'bôh! Inh gô pơm 'mong plơ̆, ưh kơ đei lon minh 'nu bu ôh.

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Je 13:26

Inh gô plôh lê̆ hơbĕn iĕm truh tơ muh măt iĕm, na gô 'bôh tơdrong mơlâu iĕm.

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 6:28

Đĭ-đăng lu sư pơm kơnê̆, chă pơma sơlam băl. Hơrăng kơ̆l nhen thoi mam, thoi kong, lu sư pơm kơnê̆ dêh.

Nhom 1:11

Đĭ kon pơlei chă tơmam sa păng tơtok rah; Tơplih đĭ tơdrong chơt hiôk iŏk tơmam sa, wă kơ chhơp hiôk lăm jơhngơ̆m sư kơdih. Ơ Kră Yang, apinh Ih 'blŏk kơ inh, yua kơ inh jing bơngai pă rơ-a boih;

Nhom 1:17

Siôn yơ̆r ti, mă-lei ưh kơ đei bu pơlung sư; Kră Yang đei roi boih gah Jakôp; Đei lu bơngai cheng sư pơm kơnê̆ hăm sư. Jêrusalem mă lu sư oei noh jing 'mê̆-'mach.

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.

Nhom 4:21

Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Êsêkiên 23:29

Lu sư gô iŏk tơdrong areh pơm kơ ih, tơgar iŏk đĭ dôm tơmam đơ̆ng ih jang, lê̆ ih koh hoh, đĭ tơdrong ih koh hoh, ngôi kư̆ kă gô tơ'bôh pơdah tơ 'nguaih.

Êsêkiên 23:46

'Nâu nơ̆r Kră Yang khan: Chông lơ bơngai năm pơm kơ lu sư bĕ, pơjao lu sư ăn kơ tơdrong hli păng đe plah tơgar iŏk.

Êsêkiên 39:23

Đĭ-đăng lu teh đak gô băt adrĕch Isơrael đe chông ba pơm bơnă yua kơ tơdrong yoch lu sư yua kơ lu sư sơngah ưh kơ chu Inh. Yua kơ thoi noh Inh ôn muh măt Inh đơ̆ng lu sư, Inh pơjao lu sư lăm ti lu bơngai ayăt, lu sư gô lôch đĭ-đăng đơ̆ng đao gưm.

Hôsia 2:10

Inh gô pơdah tơdrong mơlâu sư, 'bơ̆t anăp lu pơyô sư, păng ưh kơ đei bu dŏng pơklaih sư đơ̆ng ti Inh.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.