Nhom 1:7 - Sơ̆p Hlabơar Nơ̆r 'Bok Kei-Dei

⁷ Lăm năr pơmat-tat, Jêrusalem 'blŏk kơ đêl sư chơt hiôk; Kơplah kon pơlei sư huŏng lăm ti lu ayăt ưh pă đei bu năm dŏng sư dơ̆ng. Khŭl linh ayăt 'bôh sư thoi noh, na hiĕk ăr kơ sư yua kơ đĭ juơ juŏ!

Nhom 1:7 ပူးပေါင်းရင်းမြစ်များ

Jop 29:2

Ôi hơpơi rŏ kơ inh gơh arih dơ̆ng thoi lĕ khei 'năr ki sơ̆, 'Bơ̆t mă Kră Yang 'Bok Kei-Dei oei wei-lăng inh;

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 77:3

Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Je 37:7

“'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Je 48:27

Hăm trŏ lu iĕm sơ̆ kư̆m hiĕk ăr kơ Isơrael? Tam đei đe tơ'bơ̆p rôp Isơrael hơdai hăm lu bơngai tơtông ưh? Lei liơ mah mưh iĕm pơma 'bơm sư iĕm tơtreh kơ̆l che bơle?

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 25:3

Athei khan kơ kon pơlei Ammôn: Athei mơ̆ng nơ̆r Kră Yang. Kră Yang khan thoi âu: Yua kơ ih đei che bơle khan: “Aha!” Kơ anih rơgoh Inh kơplah đe pơm pơ'mê̆ kơ sư, kơ dêh char Isơrael kơplah sư đĭ juơ, kơ adrĕch Juđa kơplah lu sư đe rôp pơm bơnă,

Êsêkiên 25:6

Na Kră Yang khan thoi âu: Yua kơ ih tap ti, kơtrơ̆m jơ̆ng, jơhngơ̆m chơt hiôk 'nă hal păng pơjăm pơjuă teh đak Isơrael,

Hôsia 2:7

Sư gô druh kiơ̆ pơyô so sư mă-lei ưh kơ tam, chă mă-lei ưh kơ tơ'bơ̆p. Đơ̆ng noh sư gô khan: ‘Inh gô wih tơ klo inh mă adrol; yua kơplah noh inh hiôk hloh kơ dang ei.’

Mi 4:11

Dang ei đei lơ teh đak akŭm băl wă ayăt păng ih khan thoi âu: Thŭ lu linh jing 'mê̆ yoch păng thŭ măt lu bơ̆n 'bôh tơdrong mă lu sư 'maih wă gô truh tơ Siôn!

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.