Nhom 1:6 - Sơ̆p Hlabơar Nơ̆r 'Bok Kei-Dei

⁶ Kon adruh Siôn hiong đĭ boih dôm tơdrong mă đe ư-ang. Lu kră pơgơ̆r nhen thoi juei chă tơmăn 'nhĕt sa pă đei, Kơdâu pă kĕ đĭ jơhngơ̆m 'bơ̆t anăp lu bơngai druh sư.

Nhom 1:6 ပူးပေါင်းရင်းမြစ်များ

II Pot 19:21

'Nâu bơih nơ̆r Kră Yang khan kơ sư: “Adruh hle pơlei Siôn hiĕk pơjăm ih, gah rŏng ih Adruh Hơlai Jêrusalem tơtreh kơ̆l,

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

II Pot 25:5

Mă-lei đei khŭl linh đe Kalđê druh 'moi 'bok pơtao, lu sư druh tam đei rôp pơtao tơ tơmăn glă pơlei Jêrikô; đĭ-đăng lu linh sư tơklah tơklang păng achăng lê̆ sư hơdrô̆.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Horiso 96:9

Athei hrŭk hơbĕn ao rơgoh na kơkuh kơ Kră Yang; Ơ đĭ-đăng teh đak, hli tơtey bĕ 'bơ̆t anăp Sư.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 29:4

Kră Yang Tih Hloh, 'Bok Kei-Dei bơngai Isơrael khan kơ lu bơngai mă Inh ăn đe rôp pơm bơnă đơ̆ng pơlei Jêrusalem ba tơ Babilôn:

Je 47:3

Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 52:11

Đơ̆ng noh pơtao Babilôn kuek lê̆ 'bar pah măt Sêđekia, chô̆ sư hăm glang kong, chông ba sư tơ Babilôn, tah sư lăm hnam phak dĭng truh năr sư lôch.

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 24:25

Gah ih, ơ kon bơngai, lăm năr Inh gô iŏk lê̆ kơđông kơjăp lu sư, tơdrong chơt hiôk, tơdrong ư-ang, tơdrong chơt hiôk kơ măt lu sư, tơdrong jơhngơ̆m lu sư hơpơi wă hăm kon drŏ-nglo kon drŏ-kăn lu sư,

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?